21.
Ga naar margenoot+St. Goard au Roi Charles IX: Madrid, 18 oct. (* MS. P. St. Germ. H. 228, vol. 791). - Il a fortement déconseillé à Philippe II toute mesure de conciliation envers le Prince d'Orange.
....Je fis entendre au Sr Roy.... qu'il se dict que le Duc d'Albe mesnage ung appoinctement avecques le Prince d'Orenge, et ung changeGa naar voetnoot1 de Genlis et autres prisoniers avecques les Evesques d'Arras et Namur et président de Malignes, et que je le priois, ayant receu tant de bien en ses affaires de l'exécution que V.M. avoit voulu faire de ses subjects, lesquelz sans doubte alloient si gaillards et forts en faveur de ses rebelles, qu'il n'y a celluy, pour peu de jugement qu'il ayt, qui ne confesse qu'il perdroit ceste Estat comme il est tout clair, ainsi que par ce seul faict il l'ayt recouvert, ne entendre nullement à ceste pratique. Premièrement pour l'honneur de Dieu et Son Eglize, de laquelle il s'est toujours monstré fauteur, et l'autre pour ne monstrer qu'il ayt jamais pensé donner à V.M. autre que conseil de bon frère et duquel luy-mesme se vouloit servir en telles occurences; et pour luy tourner à redire en termes plus intelligibles, c'estoit que je l'admonestois de n'entendre jamais à la paix aveques le Prince d'Orenge, lequel j'advertissois estre aux pires termes qui se pouvoit demander, ny ne souffrir que l'on laissast jamais retourner les prisoniers qui estoient és mains du Duc en vostre Royaulme....
Auteursrechtvrij