69.
Ga naar margenoot+G. de Schonberg à la Reine-Mère: Francfort, 19 août (MS. P. C. 400). - Nécessité de donner promptement les secours promis.
...Le Roy ne fist jamais rien plus à propos pour l'advancement de ses affaires en Allemaigne que d'accorder au Prince d'Orange ce que vous sçavez; mais il fault nécessairement l'effectuer promptement, ainsi que je promis au Docteur OhemGa naar voetnoot1 (Chef du conseil du Conte Palatin) et au Conte Ludovicq; qui vous faict ung monde de bons offices....; le Conte Palatin envoye ung gentilhomme avecques moy pour toucher une partie de la somme que sçavez et prendre des lettres de change pour le reste.... Aussytost que Monsieur de Lumbres luy a apporté l'asseurance que le Roy luy en avoit donné, le Conte Ludovicq a mis le reste des François et Valons ensemble et quelques harquebusiers Allemands, le tout jusques au nombre de trois mille hommes, lesquelz arriveront ceste sepmaine en Hollande. Au mesme instant que vous aurez satisfaict à vostre promesse, le Duc Christofle marchera avecques le reste. Le Conte Jan de Nassau, frère du Conte Ludovicq, vint avecques moi à Heydelbergh pour ayder à persuader le Conte Palatin à la susdicte entreveue, et pour résouldre avecques luy en ma présence comment on pourra bien et deuement employer la somme de deniers que vous sçavez et celle qu'on a aussy d'ailleurs.... Je mets bien devant les yeux au Landgrave la confiance entière que V.M. ont en luy et son amytié. Le Conte Ludovicq (qui est son demy-Dieu) luy en a aussi, à ma sollicitation, escritte une bonne lettre. Je peulx asseurer
Auteursrechtvrij