Archives ou correspondance inédite de la maison d'Orange-Nassau (première série). Tome VII 1579-1581

[p. 15]

* Lettre CMI.
⁺Le Prince d'Orange au Comte Jean de Nassau. Défense de la Gueldre.

*_** Men meende dat des Prince van Parma volk haer wilden ‘beschansen omtrent Venlo, om Gelder, Venlo, en Wachtendonk van elkander te scheiden... Grave Jan was seer sorgvuldig om syn Quartier wel te bewaren:’ Bor, II. 95a

Monsieur mon frère. Vostre lettre du 18^me jour de ce mois m'a esté rendue ce jourd'huy au matin: aiant veu par icelle le discours que me faictes de l'estat des affaires de par delà et mesmes du quartier de Gheldres, il me desplaist extrêmement que, non obstant tous voz bons debvoirs, labeur, et travail, vous ne pouvez advancer les affaires ainsi que vouldriez bien, pour estre assez mal secondé; et toutesfois j'ay aussi fort voluntiers veu que vous allez ainsi pourvoyant les villes principalles de garnison et aultres nécessitez. Je vous recommande surtout celles de Venloo, Gheldre, et Wachtendonck, m'asseurant que, quand l'ennemy verra telle résolution, il ne vouldra se jecter legièrement sur quelque place sur laquelle il ne penseroit avoir grand advantaige; et, à ce que je puis conjecturer, comme aussi j'ay ce jourd'huy cognu par quelques lettres de l'ennemi interceptés, il n'est encoires si prest de faire nouveau siège, qui me faict fermement espérer que vous aurez plus que les huyct jours de loysir, dont vostre lettre faict mention, pour donner ordre à tout. De ma part pouvez tenir pour certain que vous seconderay, Dieu aidant, en tout ce que me sera possible, ores que je ne puis tousjours faire ce que je vouldroys, pour tant d'empeschemens que l'on me donne

+ 1579. Juillet.

[p. 16]

⁺journellement de divers costelz, qui me faict vous prier de me tenir pour excusé si je ne respons tousjours à tous les poinctz de voz lettres.

Quant à ce que m'escripvez de la cavaillerie et de la résolution que l'on en prend par delà, il fauldra nécessairement la retenir encores, pour le moins jusques au mois d'octobre, et sera nécessaire de trouver moien par delà pour le payement des reyttres susdits, à cause qu'il n'y a nulle apparence de les pouvoir payer icy, à cause que ceulx de Brabant ont payé plusieurs sommes oultre leur portée.... D'Anvers, le 22^me jour de juillet 1579.

Vostre¹ bien bon amy et frère à vous faire service,

Guillaume de Nassau.

A Monsieur le Conte Jean de Nassau, Gouverneur de Geldres, mon bien bon frère.

+ 1579. Juillet.

1 Vostre - service. Autographe.