Archives ou correspondance inédite de la maison d'Orange-Nassau (première série). Tome VII 1579-1581

* Lettre MI.
Le Comte de Culembourg au Prince d'Orange. Plaintes contre les Etats d'Utrecht.

Monseigneur. Ayant entendu l'arrivement de V.E. en Hollande, avecque la bonne disposition d'icelle, je suis esté fort aise, n'ayant sceu laisser d'escrire ce mot, pour me ramentevoir toujours avec très-bonne affection en la bonne grâce de v. Ex. - D'autre part comme les Estatz d'Utreght ont usé vers moy d'une estrange sorte de procéder, comme v. Exc. pourat entendre par le Conseiller M^r Pelgrim van Loon⁽²⁾ lequel estoit alors en ce lieu de Culembourg, quand le bel acte se passoit en la Comté de Buren, pays de v. Exc., dont le fait ne touche moins à icelle qu'à ma personne, je prie à v. Exc. qu'il luy plaise de m'assister afin que la réparation en soit faicte, ainsy comme il appartient; ayant de ma part fait arrester par

(2) P. van Loon: Conseiller à la Cour de Justice de la Hollande.

[p. 413]

aant.⁺provision les biens desdits Estats situez au pays de Culembourg, comme suis d'intention de faire au pays de Buren semblablement, pour procéder là-dessus par voye ordinaire de justice à la susditte réparation; comme aussy j'ay donné à entendre aux dits Estats, selon que v. Exc. plairat veoir par la copie de la lettre cy-jointe, laquelle j'envoye pour plus grande information du passé désordre, ayant esté tel que m'estant trouvé en personne avec quatre ou cinq chevaulx vers le lieu où que l'attentat se faisoit, pour, en amitié et avecq bonne manière, divertir¹ ceulx qui estoient en besoigne, j'ay trouvé illecq à l'impourvu un nombre des soldats, dessous la charge de Monsieur le Baron de Hohensaxen, lesquels se sont portés envers moy, comme s'ils fussent estés ennemis; se vantants et démonstrants avoir charge de me faire telle force par les Estats d'Utrecht, dont suis estés bien esmerveillé, me confiant entièrement que v. Exc. sçaurast et voudrast bien avec le mieulx remédier le tort faict à Icelle et au domaige et intérest que je reçois en cet endroict, estant pret le déservir..... De Culembourg, ce iiij^e de novembre 1580.

L'entièrement² affectionné à faire service à vostre Excellence,

Floris Comte de Culembourgh.

+ 1580. Novembre.

1 détourner.

2 L'ent. - Exc. Autographe.