Archives ou correspondance inédite de la maison d'Orange-Nassau (première série). Tome VIII 1581-1584

† Lettre MXLIX.
Le Cardinal de Granvelle à la Duchesse de Parme. Menées des François (MS. B. GR. XXXI. p. 245).

...Nonobstant les beaux propos du Roy de France et de sa mère pour excuser Alançon et eulx mesmes, et les belles ouffres qu'ilz font, ledit d'Alançon et ses gens continuent de faire et machiner le pis qu'ilz peuvent, et luy est passé en Angleterre, et, à ce que J.B. de Tassis escript, le Roy de France mesme affirme tout ouvertement et rondement que son frère est marié avec la Royne d'Angleterre et que les nopces sont faictes et accomplies; que, à mon advis, n'est pas le pis que nous pourroit advenir; je ne le puis encoires croire, quoy qu'ilz dient, et s'il est faict, il ne passera pas long-temps, si je ne me forcompte, que tous deux s'en repentiront et que d'icelluy mariage pourront succéder telz troubles⁽¹⁾ que nous

(1) troubles. Mornai écrit en 1583: ‘L'Angleterre n'est pas facile à conquérir; mais qu'on me confesse aussi qu'elle est aisée à troubler. Le seul mariage de Monseigneur, agréable aux uns, odieux aux autres, partit le païs en ligues, et mit la Court et le Conseil en combustion:’ Mém. de Mornay, I. 177. - Voyez T. VI, p. 643, sqq.

[p. 45]

⁺esclarciront et accomoderont noz affaires; Dieu est grand et, comme j'espère, n'abandonnera Sa cause.

Sa Ma^té pourvoit à ce de Portugal et à ce des Indes, mais je luy supplie continuellement et luy ramantois¹, qu'il veulle regarder et, sans différer, pourveoir au surplus et de consulter ce qu'il vouldra faire l'an qui vient: comme les gens et les provisions doibvent aller de loing, il fault temps et nous ne sommes que trop longs aux exécutions, et fault qu'il face son compte que, jusques à ce que ses voisins verront ses affaires establiz, ilz ne cesseront de luy procurer toutes les traverses et molestes qu'ilz pourront, et je vouldrois que nous cherchissions de leur rendre le change et de, sans tant de respect, faire en leur endroit, ce qu'ilz font au nostre, puisque je ne vois nul meilleur moyen de les tenir en bride... Madrid, 10 déc.

+ 1581. Décembre.

1 recommande.