Archives ou correspondance inédite de la maison d'Orange-Nassau (première série). Tome VIII 1581-1584

† Lettre MLXIX.
Le Cardinal de Granvelle à M. Fonck. On a mal gouverné les Pays-Bas (MS. B. GR. XXXII. p. 57).

*_** Le 22 sept. 1582 Granvelle écrit à Fonck: ‘...L'exemple de Naerden a esté exécrable, et la desmésurée rigueur, l'insolence, et malvais conseil de Vargas, Roda, Sancho d'Avila et aultres a cher cousté à sa M...’ († MS. B. Gr. xxxii. p. 212).
Le 28 décembre à Morillon: ‘...Cet argent est la pomme de discorde partout, et puisque le maistre sçait ce qui passe et est adverti, je me tais, et les laisse faire, me réservant d'en dire mon advis, si l'on m'en parle: les confiscations au temps du Duc d'Alve, et le maudit conseil des troubles nous a beaucoup troublé, à mon

[p. 85]

⁺regret, tous noz affaires, et n'ay failli de lors escrire souvent sur ce point, le blasmant, et disant clair combien l'on y trompoit le maistre, et le mal qui nous en adviendroit...’ († MS. B.M. viii. p. 208).

.... Véritablement nous avons aux Pays d'embas très-mal conduit les affaires, et ledit malvais gouvernement, soit par ignorance ou par hayne, ou par avoir voulu trop bien servyr, sans bien entendre ce qui convenoit, nous a mis en la confusion en laquelle nous sommes, et vous sçavez assez [dois Rome] en ce mon advis et les offices que je faisois pour procurer que l'on print aultre chemin, mais je ne suis esté creu et feu Hopperus⁽¹⁾ ne sçavoit ce qu'il faisoit; j'ay tousjours recommendé que l'on s'accommoda à l'imperfection des subjetz, et ayant esté le plus offensé, j'ay tousjours persuadé le doulx chemin pour ceulx que se vouldront réduyre et que l'on remédia tost, que ne s'est faict, et ce sont consumez tant de milions inutilement et ruyné les pays, se faisant la guerre au Roy mesme; les affaires prennent, à mon advis, meilleur chemin et ne fais grand fondement sur ce que se passe quand à Alançon, que me semble un jeux et farse, ny ne puis souffrir que aucuns imputent à la généralité des pays ce que des malheureux, gaignez d'Oranges, font avec luy; ce que me faict mieux espérer, [c'est] ce que je vous ay escript naguayres, ce que je congnois par les lettres du Prince de Parme au Roy, plusieurs escriptes de sa propre main, que sa volunté envers les pays est tout aultre que des prédécesseurs et qu'il tient du tout à la pacification et clémence⁽²⁾.... Madrid 7 avril.

+ 1582. Avril.

(1) Hopperus. Voyez T.V. p. 374.

(2) clémence. Le 30 juin Granvelle éerit à Fonck: ‘....L'intention de sa M. et encores du S^gr Prince est de réduire les Pays d'embas avec doulceur et clémence en paix, union, et prospérité...’ (MS. B. Gr. xxxii, p. 109).