Briefwisseling van Hugo Grotius. Deel 1
(1928)–Hugo de Groot–8. 1599 Apr. 1. Aan J. A. de ThouGa naar voetnoot1.Nobilissime domine AnnoGa naar voetnoot2 fui in Gallia vestra, vidi regnum optimum, regem optimum, proceres optimos quod gaudeo: non et te quod doleo. Non potui praesens me tuae familiaritati insinuare: nihil restabat nisi occasionem praesenti denegatam literis compensare. Tentavi, sed frustra: absque TexeraGa naar voetnoot3 fuisset, viro optimo, et - multa paucis - tuo: atque de quo magna apud nostros opinio. Is librum a me Principi primario dedicatum, voluit eidem licet imperfectum offerre cum aliis quibusdam exemplaribus: inter quae et hoc tuum pignus novae amicitiae, cuius hae literae instrumentum. Plura non scribo: sufficiat vel tribus verbis ut patrono solenne, operas, munus, dona, polliceri. Vale. Delphis Batavorum Kalendis Aprilibus Anni ἀπὸ τῆς ϑεανϑρωπογονίας CIƆIƆIC. Tuus χρήσει ϰαὶ ϰτήσει si cupis, Hugo de Groot. | |
Adres: Nobilissimo, Clarissimo, atque eruditissimo Domino Iacobo Augusto Thuano Parlamenti Parisiensis Praesidi. | |
|