Piksjitten op Snyp

Haadstik 40
In pôt mei in prachtige kont

It is al hast healwei tsienen as de telefoan giet. De Grutsk sit noch te genietsjen fan it toanielstikje dat er oan syn grutte freon stjoerd hat. Hy nimt de hoarn fan it tastel, gedachteleas hast, want hy hat it each op de kutfoto's dy't foar him op de tafel lizze. Hy hat se in pear oeren lyn ophelle. Se kinne moai brûkt wurde yn in tuskenstikje fan de roman. Hy seit ja njonken de telefoan. Dan skrikt er, want hy werkent de stim fan De Frou út de binnenstêd. It leit net yn de reden, want it is ien fan har trije frije jûnen en nachten yn de wike.

Har stim klinkt sacht en flaaikjend. Se wol graach dat er komt, want in âld-freondinne sit dêre samar ûnferwachts yn de keamer. It is De Han dy't er wolris moete hat yn in fier ferline. It heucht De Grutsk noch tige, want De Han hat him doe lokwinske mei 't dúdlik wurden wie, dat De Frou út de binnenstêd oan him de foarkar joech boppe De Han. De relaasje tusken De Frou út de binnenstêd en De Han wie dêrmei ferline tiid.

[p. 148]

It heucht De Grutsk dat De Han sei dat er wûn hie. De Grutsk seach dat doe wat oars, mar De Han hâlde fol dat har wurden foar hûndert persint de wierheid dutsen. De Grutsk twivele, mar wa wit, miskien hearden sokke oarloggen wol by de wrâld fan potten en heale potten, of leaver sein by twaslachtige figueren lykas De Frou út de binnenstêd. De Grutsk hie der net folle idee oer. Hy hie wolris mei niget nei twa frijende potten sjoen dy't ynelkoar ombieten, mar hy miste benammen de kul, en dat lei him fansels oan syn tige iensidige opstelling yn de wrâld fan de erotyk. Dat wie alteast de gedachte fan De Frou út de binnenstêd. Sij gong altiten op sokke prékêre mominten yn de pleit foar de androgine wrâld. Dan paste de Grutsk, want dat kaartspultsje hie er gjin ferstân fan.

Dy De Han sit no dus by De Frou út de binnenstêd op de bank. Miskien kin De Frou út de binnenstêd har net fan de bealch hâlde, en hat se syn stipe nedich. Wa wit, want hy wist it meastens net mei De Frou út de binnenstêd. Miskien is it ek wol gewoan gastfrijheid. Dy saken rinne by De Frou út de binnenstêd faak trochinoar hinne.

De Han dêre, tsjonge tsjonge, wat in feest! De Grutsk is benijd. De measte potten hat er in griis fan - foaral as se net echt binne - mar mei De Han leit dat oars. Se hat wol wat op it eroatyske flak. Se is in stevich frommes mei alles op it goede plak. In echte S, sis mar. It heucht him dat se in prachtige geile mûle hie yn de dagen dat er har noch wolris seach, en har kont wie in merakel. Rûner koe er him hast net yn 't sin bringe. Miskien is dat noch sa. Hy is benijd. It soe wêze kinne dat se harsels ûntpôte hat. Yn dy wrâld is alles mooglik.