Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Werken. Deel 1: Gedichten (1875)

Informatie terzijde

Titelpagina van Werken. Deel 1: Gedichten
Afbeelding van Werken. Deel 1: GedichtenToon afbeelding van titelpagina van Werken. Deel 1: Gedichten

  • Verantwoording
  • Inhoudsopgave

Downloads

PDF van tekst (0.74 MB)

ebook (2.87 MB)

XML (0.29 MB)

tekstbestand






Editeurs

Jacob Frans Johan Heremans

C.J.K. Ledeganck



Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Werken. Deel 1: Gedichten

(1875)– Hadewijch–rechtenstatus Auteursrechtvrij

Vorige Volgende
[pagina 8]
[p. 8]
Ga naar tekstkritische notentekstkritische noten

II.

 
Tsaermeer sal in corten tide
 
Tsap van den wortelen opwaert slaen
 
Daer bi sal verre ende wide
 
Beemt ende cruut sijn loef ontfaen
 
Dies soe hebben wi sekeren waen
 
Die voghele werden blide
 
Die gheet in minnen te stride
 
Hi sal verwinnen saen
 
Op dat hi niet en mide.
 
 
10.[regelnummer]
Die niet en spaert vore hoge minne
 
Hi es ane alle sine werke vroet
 
Die minne es joncfrouwe ende conincginne
 
Die meneghen maect hoghen moet
 
Soe dat hi boven al hare goet
 
Set toe cracht ende sinne
 
Daer minne dat werc ane kinne
 
Hoe welt si hare tiersten doet
 
Hi es die minne verwinne.
[pagina 9]
[p. 9]
 
Maer daer omme es si minne ende vrouwe
20.[regelnummer]
Dat si es moeder van alre doecht
 
Si es drachtech ende draghet allene die trouwe
 
Daer ghi alle die mint u bi vermoghet
 
Si hevet ons allene verhoghet
 
Ende ghebetert allen rouwe
 
Ic bidde hare datse ons bescouwe
 
Ende groyen doe die ioghet
 
Datse ons al minne voltrouwe.
 
 
 
Hoe suete es minne in hare nature
 
Dat si alle andere cracht verwint
30.[regelnummer]
Die mint hi doghet sware avonture
 
Eer hi hem ane minne sede bekint
 
Dat hi van hare al si ghemint
 
Soe smaket hi bettere ende suere
 
Hi ne mach ghedueren ene ure
 
Eerne minne al in minne bint
 
Ende in ghebruken vuure.
 
 
 
Die onghebruken in minne haket
 
Hi sal verwinnen al sinen noet
 
Hine mach niet sterven dien minne gheraket
40.[regelnummer]
Hare name amor es van der doet
 
Die dade dat die minne gheboet
 
Ende daer inne niet en ghebrake
 
Si es welde van alre sake
 
Minne es dat levende broet
 
Ende boven alle ghenuechte in smake.
[pagina 10]
[p. 10]
 
Mi sijn mine nuwe sange
 
Een toe in groten wene bracht
 
Die ic hebbe ghesongen lange
 
Ende van minnen scoene hertcracht
50.[regelnummer]
Al hebic te cleine ghewracht
 
Mi doet wel wee ende ange
 
Dat ic niet ne ommevanghe
 
Die onverwonnene cracht
 
In ghebrukene van minne bedwanghe.
 
 
 
Ic mach wel vander minnen fine
 
Voert swighen mine daghe meer
 
Daer ic bi blide plach te sine
 
In singhene in sprekene wilen eer
 
Doe mi haer rike gheleer
60.[regelnummer]
Dede blijsscap in scine,
 
Daer ic nu doghe pine
 
Ende van herten seer
 
Dies oudic ende dwine.
 
 
 
Dus hevet mi der minnen pine verquolen
 
Dat ic een toe niet meer en doech
 
Die mi eerst leide te haerre scolen
 
Daer ic hare wise wondere soech
 
Ende si mi sider die ontoech
 
Ende mi vele hevet verholen
70.[regelnummer]
Doch willic gherne al dolen
 
Want minne niet en loech
 
Dat si mi hevet bevolen.
[pagina 11]
[p. 11]
 
Woude mi minne nuwe daghe
 
Gheven die mi sijn soe out
 
Soe soudic swighen miere clagen
 
Die nu es soe menechfout
 
Ende vri hare leven stout
 
Daert mi nu es al waghe
 
Hoe gherne ic dat saghe
80.[regelnummer]
Die minne doe hare vrie ghewout
 
Ane mi alst hare behage.
 
 
 
Al doet mi soe over sere
 
Dit ic mi minnen ellendich weet
 
Die minne doet al haren vrienden ere
 
Die haer met trouwen sijn ghereet
 
Soe dat si in lief in leet
 
Verstaen haer rike ghelere
 
Die dat werken sonder kere
 
Ende die minne al in minne beveet
90.[regelnummer]
Si bliven in hare rike gehere.
 
 
 
Ghelijc dat ons die scone rose
 
Metten douwe comt ute den doerne ghegaen
 
Soe sal die mint dore alle bose
 
Met toeverlate hare storme ghestaen
 
Hi sal vri al sonder waen
 
Dore wassen alle nose
 
Dies hevet die hertelose
 
Sijn deel wel saen gedaen
 
Daer vri sijn die amorose.
[pagina 12]
[p. 12]
100.[regelnummer]
Die de minne wilt omvaen
 
Hie moet scuwen alde lose
 
Al es nu suete hare cose
 
Men sal bekinnen saen
 
Dat valsch es haere ghelose.
[tekstkritische noot]10. spart. - 12. jonfrouwe ende coninghinne.

[tekstkritische noot]23. allen. - 33. sure. - 36. vuere. - 37. om ghebruken. - 41. de minne. - 43. zaken.
[tekstkritische noot]50. hebbic. - 58. in singhene in springhene. - 60. schine. - 66. harre.
[tekstkritische noot]83. dat ic nu. - 89. in minnen.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken