Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Werken. Deel 1: Gedichten (1875)

Informatie terzijde

Titelpagina van Werken. Deel 1: Gedichten
Afbeelding van Werken. Deel 1: GedichtenToon afbeelding van titelpagina van Werken. Deel 1: Gedichten

  • Verantwoording
  • Inhoudsopgave

Downloads

PDF van tekst (0.74 MB)

ebook (2.87 MB)

XML (0.29 MB)

tekstbestand






Editeurs

Jacob Frans Johan Heremans

C.J.K. Ledeganck



Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Werken. Deel 1: Gedichten

(1875)– Hadewijch–rechtenstatus Auteursrechtvrij

Vorige Volgende
[pagina 37]
[p. 37]
Ga naar tekstkritische notentekstkritische noten

X.

 
Nu es dit nuwe iaer
 
Onstaen dat es openbaer
 
Met sconen nuwen tide
 
Ons naket openbaer groet vacr
5[regelnummer]
Ons baert een vaer soe swaer
 
Bide verre ende wide
 
Ende ic singhe met nuwen rouwe
 
Daer wilen wrachte edele trouwe
 
Dat ic daer nu loesheit scouwe
10.[regelnummer]
Dies es mijn herte omblide
 
Wat wonder eest dat ic douwe
 
Ende rouwe om mine bouwe
 
Die minne es alles vrouwe
 
Ende wi dolen bi hare side.
 
 
15[regelnummer]
Hier ende overal
 
Sie ic ongeval
 
Toter hoechster minnen
 
Alsoe ic nu clagen sal
[pagina 38]
[p. 38]
 
Soe wert de berch wel dal
20.[regelnummer]
Na mijn versinnen
 
Want al hevet mi scade veriaghet
 
Ende ic bem die node claghet
 
Ende diet lichte allene verdraghet
 
Dats mi behoert in binnen
25[regelnummer]
Maer wie dat hem versaghet
 
Ende der minnen pine meshaghet
 
Ende om vreemde troeste vraghet
 
Hi sal wel spade verwinnen.
 
 
 
Al claghe ic in nuwen tide
30.[regelnummer]
Dat ic ben omblide
 
Hets langhe int linghen
 
Men siet in elke side
 
Die scape lopen wide
 
Maer dat es ghehinghen
35[regelnummer]
Ende die sinne dien minne verscene
 
Met dat si willen ghemene
 
Ende dan voer plumen draghen stene
 
Dat doetse sere verghinghen
 
Hielden si hem allene
40.[regelnummer]
Ende vri ter minnen lene
 
Ende ane andere troeste enghene
 
De minne soude hem minne wel bringhen.
 
 
 
Ic en bent niet allene
 
Noch oec de liede ghemene
45[regelnummer]
Die dus sere dolen
 
Maer die van den riken lene
[pagina 39]
[p. 39]
 
Si sijnt dat ic mene
 
Die de minne te haerre scolen
 
Gheleit hevet meneghen dach
50.[regelnummer]
Ende gheleert den wisen slach
 
Ende te doelne op minnen sach
 
Ende pine die si hem hevet bevolen
 
Ende si soeken haer ghelach
 
Ende nemen vreemt beiach
55[regelnummer]
Ende dat hem scaden mach
 
Dier sueter minnen verscolen.
 
 
 
Dus nemen wi vreemde saken
 
Om dat naerre smaken
 
Dat es ons grote scade
60.[regelnummer]
Ons vernoyt dat haken
 
Ende dat langhe ellendeghe waken
 
Omme minnen sade
 
Maer mochten wi die hoechste stagen
 
Op clemmen ten iersten daghen
65[regelnummer]
Ende wi dat wi minden saghen
 
Soe ware wijs sciere in rade
 
Maer omdat ons om minnen behaghen
 
Vernoyt die bordene draghen
 
Soe nemen wi die naeste ghelaghen
70.[regelnummer]
Ende scuwen der minnen dade.
 
 
 
Dat ware een al te nedere sin
 
Die om cranc na ghewin
 
Hem soe verdeilde
 
Dat hi ne wiste meer noch min
[pagina 40]
[p. 40]
75[regelnummer]
Wat hoghe minne hevet in
 
Maer diere in verseilde
 
Hi woende op haren diepsten gronde
 
Ende si toende hem al hare conde
 
Soe dat, si hem in corter stonde
80.[regelnummer]
Der begherten wonde al heilde
 
Ende de minnen te rechte stonde
 
Ende minne met minnen bonde
 
Ic segghe hem dat hire vonde
 
Gherechte minne die hem veilde.
 
 
85[regelnummer]
Ochte wi ons minne ontbliven laten
 
Ende wi ons selven soe verhaten
 
Ende ons minne dunket pine
 
Die minne saelt ons wel orsaten
 
Ende doen ons dolen in vreemden straten
90.[regelnummer]
Dat ons doch wel scine
 
Dat wi bi onsen scoude
 
Verliesen die edele houde
 
Die ons minne gheven soude
 
Daer si met sadet hare fine
95[regelnummer]
Ende wi raste sueken te houde
 
Nu ic te sceldene boude
 
Ic wane ic cume woude
 
Dat ons minne meer gherine.
 
 
 
illustratie Want onse seden oude
100.[regelnummer]
Tonen ons voer minne soe coude
 
Wat holpt dan dat ict woude
 
Sint dat ons arm staet te sine.
[tekstkritische noot]6. Beide.

[tekstkritische noot]19. die berch. - 29. claghic. - 30. onblinde. - 35. die minne verscoenen. - 43. beent. - 44. oec lieden. - 46. rike.
[tekstkritische noot]47. die ic. - 56. der sueter. - 62 en 67. minne. - 62. scade. - 63. staden.
[tekstkritische noot]77. in haren.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken