Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Werken. Deel 1: Gedichten (1875)

Informatie terzijde

Titelpagina van Werken. Deel 1: Gedichten
Afbeelding van Werken. Deel 1: GedichtenToon afbeelding van titelpagina van Werken. Deel 1: Gedichten

  • Verantwoording
  • Inhoudsopgave

Downloads

PDF van tekst (0.74 MB)

ebook (2.87 MB)

XML (0.29 MB)

tekstbestand






Editeurs

Jacob Frans Johan Heremans

C.J.K. Ledeganck



Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Werken. Deel 1: Gedichten

(1875)– Hadewijch–rechtenstatus Auteursrechtvrij

Vorige Volgende
[pagina 66]
[p. 66]

XVIII.

 
Groeter goede vore den tide
 
Ende groet gheloven vore dat gheven
 
Dies en darf nieman sijn te blide
 
Ons es van beiden vele ontbleven
5[regelnummer]
Die vroeghe blike
 
Voer der minnen rike
 
Hebben mi verre ute mi verdreven.
 
 
 
Bi sconen dagheraden
 
Hoept men der lichter claerre daghe
10.[regelnummer]
Der minnen tonen hevet mi verladen
 
Ende meneghen dies ic niet en ghewaghe
 
Mer hi weet van hem selven diet si
 
Ic weet van mi
 
Alse die mi altoes van minnen beclaghe.
 
 
15[regelnummer]
Dat seghet de dorpere ieghen avont
 
Sal men loven den sconen dach
 
Dat ic soe spade dat verstont
[pagina 67]
[p. 67]
 
Doet mi nu roepen arme owach
 
Waer es nu dat solaes
20.[regelnummer]
Ende der minnen paes
 
Daer si mi eerst scone met versach.
 
 
 
Hoe scone dat sijt mi eerst toende
 
Ende sint wert wreet es mi nu cont
 
Dat si mi niet en bedroech noch en hoende
25[regelnummer]
Met wat wee soe ict verstont
 
Maer si woude mi verclaren
 
Ende openbaren
 
Dat redene doerlicht alder minnen gront.
 
 
 
Verlichte redene ghevet oorlof
30.[regelnummer]
Ende metter hoechster minnen raet
 
Met haer te doresiene alder minnen hof
 
Ochte daer van allen ghenoech in staet.
 
Ghebrect daer iet
 
Dat ment versiet
35[regelnummer]
Dat trouwe voldoe met hogher daet.
 
 
 
Mochtic mi soe in trouwen houden
 
Dat minne niet en hadde te segghene te mi
 
Ende soe al dat mine met al vergouden
 
Ja als ic mach ghelden selc mensche ic si
40.[regelnummer]
Tierst waest een tanen
 
Dan soudic manen
 
Die minne in allen ghebrukene vri.
 
 
 
Ay edele minne welc tijt wanneer
 
Seldi mi gheven lichte daghe
[pagina 68]
[p. 68]
45[regelnummer]
Dat miere deemsterheit worde een keer
 
Hoe gherne ic de sonne saghe
 
Ghi wet allene
 
Hoe ic dit mene
 
Ochte ic iet wille dan uwe behaghe.
 
 
50.[regelnummer]
Ay du gheweldeghe wondere minne
 
Die al met wonder verwinnen macht
 
Verwinne mi dat ic di verwinne
 
In dine onverwonnene cracht.
 
Ic plach te kinnene dat verwinnen
55[regelnummer]
Daer es kinnen int verwinnen
 
Dat mi ye alre seerst verwach.
 
 
 
Noch sidi minne dat ghi ye waert
 
Dat weten die met u sijn in al
 
Ic sals gheloven en dochte ghespaert
60.[regelnummer]
Mi hevet ghelettet een ongheval
 
Dat ic noch niet en kin de
 
Dat werc noch en minde
 
Daer mi trouwe met volhelpen sal.
 
 
 
Sint ic ghevolghede in hogher trouwen
65[regelnummer]
Dat mi minne soude in staden staen
 
Begave ic alle uren de rouwen
 
Ende ben in toeverlaet ghestaen
 
Daer ic in kinne
 
Dat mi noch minne
70.[regelnummer]
Met hare al een sal omvaen.
[pagina 69]
[p. 69]
 
Dat es der gheweldegher minnen sede
 
Dien si al saket te haerre hant
 
Al doetse hem cracht ende gheweldechede
 
Si doet hem ghenoech ende suet den bant
75[regelnummer]
Dies geet van hare
 
Hoge mare
 
Ende groet prijs over alle lant.
 
 
 
Dien minne eerst veet dien luuctse de oghen
 
Met ghenoechten soe dunct hem tsine al best
80.[regelnummer]
Soe en waent hi niet dan ioye doghen
 
Dus trect sijt al met haerre lest
 
Dan comt redene de starke
 
Met nuwen werke
 
Der scout soe wert de woet ghetest.
 
 
85[regelnummer]
Dat ic van minnen vele songe
 
Dan holpe mi niet vele maer lettel goet
 
Maer dien ouden ende dien jonghen
 
Coelt sanc van minnen haren moet
 
Maer van minnen mijn heel
90.[regelnummer]
Hevet soe cleine deel
 
Mijn sanc mijn wenen scijnt sonder spoet.
 
 
 
illustratie Ic roepe ic claghe
 
De minne hevet de daghe
 
Ende ic de nachte ende orewoet.
[tekstkritische noot]19. zolaes. - 21. ierst met scone. - 28. vergoude. - 39. sulc mensche ic zie.
[tekstkritische noot]51. wondere. - 53. onverwonne. - 64. volhulpen. - 70. hare een.
[tekstkritische noot]78. luuctse oghen. - 82. die sterke. - 90. een deel.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken