Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Werken. Deel 1: Gedichten (1875)

Informatie terzijde

Titelpagina van Werken. Deel 1: Gedichten
Afbeelding van Werken. Deel 1: GedichtenToon afbeelding van titelpagina van Werken. Deel 1: Gedichten

  • Verantwoording
  • Inhoudsopgave

Downloads

PDF van tekst (0.74 MB)

ebook (2.87 MB)

XML (0.29 MB)

tekstbestand






Editeurs

Jacob Frans Johan Heremans

C.J.K. Ledeganck



Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Werken. Deel 1: Gedichten

(1875)– Hadewijch–rechtenstatus Auteursrechtvrij

Vorige Volgende
[pagina 110]
[p. 110]
Ga naar tekstkritische notentekstkritische noten

XXIX.

 
Doer hogher trouwen minne
 
So sijn al mine zinne
 
In menechfoude pine
 
Mijn sware draghen
5[regelnummer]
Sonder claghen
 
Werd mi wel in scine
 
Die ghene daer ic omme douwe
 
Ende doeghe so meneghen rouwe
 
Hi hevet mi doen verstaen
10.[regelnummer]
Dat ic met hogher minnen sal ontgaen.
 
 
 
Sal mi hoghe minne
 
Behouden minen sinne
 
Soe bem ic seker des
 
Met verstane van binnen
15[regelnummer]
Dat die minnare onser minnen
 
Wel volmaket (es)
[pagina 111]
[p. 111]
 
Want al sijn (doen) es sonder mate
 
Hem en ghenoeghet voer minne ghene oersate
 
Dat bekinnen wel
20.[regelnummer]
Die hoeghe minne dragen ende nieman el.
 
 
 
Die hoge minne draghen
 
Si selen lettel claghen
 
Want lede hen overgeet
 
Si selen sijn alse die vroede
25[regelnummer]
Altoes met diepen oetmoede
 
In hoge minne ghereet
 
Daer minne ghebiedet si verre si bi
 
In sterven in leven in wat soet sij
 
In vriheit sonder vaer
30.[regelnummer]
Dat maecte ons hoghe minne eerst openbaer.
 
 
 
Wat soe ons god ye onste
 
Hen wert nieman die conste
 
Gherechte minne verstaen
 
Eer dat maria de goede
35[regelnummer]
Met diepen oetmoede
 
Die minne hadde gevaen
 
Tierst was si welt doe wert si tam
 
Si gaf ons vore den leuwe een lam
 
Si maecte de demsterheit claer
40.[regelnummer]
Die hadde geweest donker wel menech iaer.
 
 
 
Die vader van aneghinne
 
Hadde sine sone de minne
[pagina 112]
[p. 112]
 
Verborghen in sinen scoet
 
Eerne ons maria
45[regelnummer]
Met diepen oetmoede ia
 
Verholenleke ontsloet
 
Die vloeyde de berch ten diepen dale
 
Dat dal vloyede even hoghe der zale
 
Doe ward die casteel verwonnen
50.[regelnummer]
Daer langhe strijt ane was begonnen.
 
 
 
Ons dede elc prophete
 
Te voren scone beheete
 
Dat hi rike ware ende scoene
 
Die ons soude bringhen vrede
55[regelnummer]
Van minnen ende machtech mede
 
Moyses met salemoene
 
Prijsden alle sine cracht besonder
 
Sine wijsheit ende sine wonder
 
Tobyas ysayas daniel
60.[regelnummer]
Job jeremias ezechiel.
 
 
 
Si saghen visioene
 
Si spraken parabolen scone
 
Wat ons god noch soude doen
 
Mer na minen zinne
65[regelnummer]
Die clare vrie minne
 
Bleef van hen al ongheploen
 
Want si hadden hare zeden alse andre man
 
Nu hier nu daer nu af nu an
 
Mer maria en sprac el niet
70.[regelnummer]
Nu werde god dat versiet.
[pagina 113]
[p. 113]
 
David seide hem ghedachte
 
Van gode dat dede hem zachte
 
Ende hem gebrac sijn gheest
 
Nochtan hetet hi van werke starc
75[regelnummer]
Maer maria wracte starkere werc
 
Ja hi hads wale meest
 
Sonder maria diene gheheel ontfinc
 
God ende man ende ionghelinc
 
Daer mochte men der minnen
80.[regelnummer]
Ierst clare werc bekinnen.
 
 
 
Dat was bi diepen nyede
 
Dat hare dat grote gesciede
 
Dat die edele minne ute wert gelaten
 
Dien edelen wive
85[regelnummer]
Van hogen prise
 
Maer overvloedegher maten
 
Want si el ne woude noch hare el ne was
 
Soe hadse al daer elc af las
 
Dus heeftse dat conduut gheleit
 
Daer elker oetmoedegher herten es ghereit.
 
 
90.[regelnummer]
Die propheten ende al hare kinder
 
Offerde scape ende rinder
 
Dat was hare sacrament
 
Si daden hem metten bloede striken
 
Hare sacramente waren gheliken
95[regelnummer]
Eer maria dat hoghe present
[pagina 114]
[p. 114]
 
Die sone ghesent ward van den vader
 
Nu comt ten groten etenen alle gadere
 
Die brulocht es ghereet
 
Die de minne vint gechiert int brulocht cleet.
 
 
100.[regelnummer]
Onser vriende der propheten
 
Haerre doghet en doech vergheten
 
Si was scone ende claer
 
Si doecheden ellendecheit
 
Ende grote betterheit
105[regelnummer]
Der wet wel menech iaer
 
Hare sacramente waren gheliken
 
Dat si daer voren wouden wiken
 
Men maghes hen danken wel
 
Al seggic dat marien was al el.
 
 
110.[regelnummer]
Oetmoedeghe vrie sinne
 
Wildi gheheel al minne
 
Alsoe minne haer selven levet
 
Ic rade u dore trouwe
 
Al lijddi rouwe
115[regelnummer]
Vertijt alles ende beghevet
 
Soe werd uwe herte wijt ende diep
 
Soe sal u comen dat conduut dat liep
 
Marien sonder maten
 
Bidt der hogher trouwen dat sijt u vloyen late.
 
 
120.[regelnummer]
illustratie Want hogher trouwen es bevolen
 
Alle die oetmoedecheit dore dolen
 
Dat sise volleiden sal
 
Daer maria es met minnen een in al.
[tekstkritische noot]3. menechfouden. - 6. wert. - 8. doghe. - 12. mine. - 16. volmaket es.

[tekstkritische noot]17. sijn doen. - 18. vor minne geen orsate. - 22. luttel clagen. - 23. Wat lede. - 28. wat soe zij. - 30. hoge minne ierst oppenbaer. - 34. die goede. - 39. die deemsterheit. - 43. sinen sone die.
[tekstkritische noot]47. Doe vloyde. - 49. Doe wert. - 52. behete. - 55. mechtich. - 56. salomoene. - 57. besondere. - 58 wondere. - 70. Dan mi werde.
[tekstkritische noot]75. wrachte. - 83. uut. - 85. Met. - 89. Daert. - 91. Offerden.
[tekstkritische noot]93. wert. - 97. etenne alle gader. - 99. gheciert. - 106. zacramente. - 107. woude. - 108. mages. - 114. Al lidi. - 116. u herte. - 121. dor dolen.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken