Werken. Deel 1: Gedichten

(1875)– Hadewijch– rechtenstatus




[pagina 231]
Ga naar tekstkritische notentekstkritische noten
XV. In den hoge name der minnen Die u hare wesen moete doen kinnen Sende ic u herteleke groete Ende bidde hare datse u al moete Hare wesen toenen toten gronde Dat men nye vergronden en conde Ay hoe diep es de afgront der minnen Die nye man en conste bekinnen Al dat mens kint es lettel goet 10.[regelnummer] Sint dats iet ontbliven moet Dats ons ontblivet dat comt bi liden Dat wi soe slappelec vorwert tiden Ende met armen troeste leven Ende so lettel in storme van minnen gheven Onse sinne ende onse crachte Die lopen souden staen in hachte
[pagina 232]
Die wege ter hogher minnen graden Sonder peis ende sonder genade Die wege die men loopt ter minnen 20.[regelnummer] En mogen die gene niet bekinnen Die gemate sijn ane hare werken Ende hen met genoechte sterke Ende leven in toren om scade in bliscap om spoede Bi vremden wesen in hoverdegen moede Maer die volmaectelike woude kinnen Dat mogende wesen vander minnen Hi soude met oetmoedigher herten Geliken soetheide ende smerten Ende ontfaen in ere glorien 30.[regelnummer] In enen wille in ene memorie Suete ende suer in een genoeghen Ende alle pine sonder bedroeven Want minne mach herde wel orsaten De sware dolen haerre straten Soe neder sal men in oetmoedecheiden sinken Ja boven alre menschen gedinken Die ter werelt geboren sijn Sal groetheit der minnen comen daer in Wildi dus vallen ende in allen nygen 40.[regelnummer] Soe seldi volmaecte minne ghecrighen Want dat haelde gode neder in marien Ende met dien selven soude hi noch lien Die hem so neder omme minne conste hebben Hi ne mochte hem sine hoocheit niet onts......
[pagina 233]
Hi soudene ontfaen ende dragen tgetal Alsoe een kint in siere moeder volwassen sal. Getrouwe vrese es de eerste maent Die alle die werken hoedet ende spaent Ter heiliger wet ende ter waerheit gebode 50.[regelnummer] Si doet professie doen in gode Ghi weet wel die professie doet Dat hi een wesen geloven moet Metter gheselscap daer hi es Te alre ghehoersaemheit te sine getes Alse vrese dan die ierste maent Die ziele dus hevet gemaent Te alre gehoersaemheit van minnen Volmaecten dienst daer sijt mach kinnen In doet in leven in alle dinc 60.[regelnummer] Dus ontfeetmen alse maria ontfinc Ende in allen so diepe oetmoedicheit daer bi Dats ecce ancilla domini Dus es de ierste maent bestaen Met getrouwer vresen hevet men ontfaen. Die andere maent es gerne gedoghen Om volmaectheit ende nauwe poegen Die te leerne daer men mach Daer voer en spaert genen slach Waer gi moghet beilagen dogen 70.[regelnummer] Daer bent der waerheit der kennesse haer ogen
[pagina 234]
Ontfadi dats sonder uwe mesdaet Soe dragedi minne in den hoochste graet Want in verduldicheiden leert men kinnen Hoe men plegen mach groter minnen Want si doet meest wassen ende op gaen Dat vat daer minne es in ontfaen. Die derde maent hoeget dat getal Alse men dus verdragen can al Ende men weet dat men minnen dreget 80.[regelnummer] Dat es oefeninghe die menre toe hevet Altoos nidech ende onverwonnen Ende alsoe daer in hebben connen Na de scrifture die ons leret alsoe Sobrie pie iuste vivamus in hoc seculo. Die vierde maent es de suete nature Daer soe werdege creature Alse menne es met opwassen sal Ende hare menechfoldeghe lede overal In die stat daer mense in dreget 90.[regelnummer] Ende overal daerse lede hevet Salmense met sueter naturen hoeden Ende met ontstekenen werken voeden. Die vijfte maent es heimelec begaen Die soete dracht die men hevet ontfaen Heimeleke te oefenen die suete minnen Ende de sware pine die minne bringet inne Die hi gevoelt die minne dus dreget Ende met oetmoede ontfaen hevet.
[pagina 235]
Die seste maent es toeverlaet 100.[regelnummer] Daer men alle rijcheit af ontfaet Ende troest dat dat kint metter vrocht sal comen Volwassen rike ende geven alle vromen Dus te verlatene op minnen sach Ende te hakene na den hogen dach Dat geboren werde dat edele kint Ende te vollen in vollen van vollen gemint. De sevende maent es gerechticheit Die maect te niete allen arbeit Gerechticheit doemt ende benedijt 110.[regelnummer] Elc wesen na sinen tijt Ende nemet ende gevet na getamen der minnen Ende boven verstaen van allen sinnen Der gerechticheit dogheden sijn boven nature Ende maken zeker de zielen ende puren Ende bi ghere doget en machmen bat kinnen Dat men in waerheiden es van minnen Dan dat men in dogeden ieghen nature Soete smake hevet sonder sueren Dats blide te sine in vernoeye 120.[regelnummer] Dats in versmaetheiden hebben ioye Ende te minnen die u doen quaet Dats seker van minnen de hoechster daet Vrient met vriende metten bliden blide Dats plegen van minnen in allen tiden Maer dits iegen nature iegen macht Ende der gerechticheit hoochste pacht
[pagina 236]
Daer men gode properlects mede dreget Ende volcomelike wassende binnen hevet. De achtende maent es wijsheit van minnen 130.[regelnummer] Ende haer wesen in allen wegen kinnen Alsoe vele alse minne can gheminnen Verslendet de wijsheit al van binnen. De neghende es alse wijsheit slint Al datsi in minnen mint Dan comt der minnen geweldege tijt Ende stoermt alle uren op wijsheit Alsemen met allen dat men es Genouch es der minnen ende ghetes So wert ter neghender maent geboren 140.[regelnummer] Dat kint dat oetmoet hadde vercoren Dan hevet oetmoedecheit hare gevoech Daer si haer selven met es genoech Tusschen hen tween es dat kint voldregen Dat in groter stat hevet gelegen In diepste van oetmoede int hoochster der minnen Daer men met allen in allen zinnen Gode dus levet met alre macht In nuwe minne dach ende nacht Soe werdet god al dat men levet 150.[regelnummer] Want hi in de screfture gesproken hevet Soe dat hijs niet en mach laten Hi sal ons meten metter selver maten Daer wi hem mede meten
[pagina 237]
Die dan aldus van minnen beseten Sijn in wille in werken boven den sinnen Te al haren wille genoech der minnen Sal hi dan also meten weder Soe moeti hen dat hoge geven neder Te haren wille alsoe si hen geven 160.[regelnummer] Sal hi hen in een al leven Anders ware logene de orsate Soen mate hi met de selve mate Nu es dat kint volwassene geboren Dat bi oetmoedicheide was vercoren Ende es volwassen bi hoger minnen Ende ix maende voldregen binnen Ende elke maent hevet weken iiij Ende elke seget ghereide ende chiere Jegen den groten hoghen dach 170.[regelnummer] Dat minne volboren werden mach Die ierste weke es macht dandere conste De derde wille ende gestade onste Die volmaect de iiij weken Ende vult de maent sonder gebreken Elke weke es van vij daghen Die daghen sijn de vij gaven Die moet men hebben sal men liden De negen maende te haren tiden Wijsheit leret wat men doet 180.[regelnummer] Verstannesse orcondet de werken doet Met rade versteet men der minnen genoech Met crachte werct men hare gevoech
[pagina 238]
Met consten salmen lieves plegen Met genadecheiden grote gichten geven Met heilegher vresen sal men hoeden Al de werken ende met trouwen voeden.	[tekstkritische noot]5. tonen. - 9. luttel. [tekstkritische noot]21. in hare. - 22. genuechten sterken. - 28. smerte. - 33. mach wel oersaten. - 39. vallen in allen nygen. - 44. ontsien. [tekstkritische noot]45. souden. - 57. gehorsamheit. - 59. doot. - 66. Omme. - 68. Daer vort en spart en genen. - 70. bent de waerheit. [tekstkritische noot]71. ontfadi dat. - 72. hoechsten graet. - 79. minne. - 92. onstekenen. - 94. die minne hevet. - 95. oefene de zuete minne. [tekstkritische noot]122. die hoechste daet. - 123. vrient met vrienden. [tekstkritische noot]127. properlecst. - 133. slent. - 145. Int diepste.....int hoechste. [tekstkritische noot]162. sone mate. - 163. dit kint volwassen. - 164. oetmoedecheiden - 180. vroet. [tekstkritische noot]186. werke.

Vorige Volgende

XV.