Het paradys der geestelijcke en kerckelijke lof-sangen, op de principaelste feest-dagen des gheheelen jaers

De tweede Vesper der Apostelen.
Dixit Dominus, &c. Laudate pueri, &c. Credidi, &c. Als vooren. Daar na volgt.

Psalmus 125.

IN convertendo Dominus captivitatem Sion: facti sumus sicut consolati.

Tunc repletum est gaudio os nostrum: & lingua nostra exultatione.

Tunc dicent inter gentes: Magnificat Dominus facere cum eis.

Magnificavit Dominus facere nobiscum: facti sumus laetantes.

Converte Domine captivitatem nostram: sicut torrens in Austro.

Qui seminant in lacrymis: in exultatione metent

[p. 804]

Euntes ibant & flebant: mittentes semina sua.

Venientes autem venient cum exultatione: portantes manipulos suos. Gloria Patri, &c.

Psalmus 138.

DOmine probasti me, & cognovisti me: tu cognovisti sessionem meam, & resurrectionem meam.

Intellixisti cogitationes meas de longè: semitam meam, & funiculum meum investigasti.

Et omnes vias meas praevidisti: quia non est sermo in lingua mea.

Ecce Domine tu cognovisti omnia, novissima & antiqua: tu formasti me, & posuisti super me manum tuam.

Mirabilis facta est scientia tua ex me: confortata est, & non potero ad eam.

Quò ibo a spiritu tuo? & quo à facie tua fugiam?

Si ascendero in coelum, tu illic es: si descendero in infernum, ades.

Si sumpsero pennas meas diluculo: & habitavero in extremis maris.

Etenim illuc manus tua deducet me: & tenebit me dextera tua.

Et dixi, forsitan tenebrae conculcabunt me: & nox illuminatio mea in deliciis meis.

Quia tenebrae non obscurabuntur à te, & nox sicut dies illuminabitur: sicut tenebrae ejus, ita & lumen ejus.

Quia tu possedisti renes meos: suscepisti me de utero matris meae.

[p. 805]

Confitebor tibi, qui terribiliter magnificatus es: mirabilia opera tua, & anima mea cognoscit nimis.

Non est occultatem os meum à te, quod fecisti in occulto: & substantia mea inferioribus terrae.

Imperfectum meum viderunt oculi tui, & in libro tuo omnes scribentur: dies formabuntur, & nemo in eis.

Mihi autem nimis honorificati sunt amici tui Deus: nimis confortatus est principatus eorum.

Dinumerabo eos, & super arenam multiplicabuntur: exurrexi, & adhuc sum tecum.

Si occideris Deus peccatores: viri sanguinum declinate à me.

Quia dicitis in cogitatione: Accipient in vanitate civitates tuas.

Nonne qui oderunt te Domine, oderam: & super inimicos tuos tabescebam?

Perfecto odio oderam illos: & inimici facti sunt mihi.

Proba me Deus, & scito cor meum: interroga me, & cognosce semitat meas.

Et vide si via inquitatis in me est: & deduc me in via aeterna. Gloria Patri, & Filio, &c.