Goddelicke lof-sanghen

[p. *IVv]

Belgicae et sacrae Musae Harduynianae.

DEsine Barbaries tua nomina didere Belgis,

Cum variè docto schemata dulcè canant,

Et proprio referant Hebraeum carmine Psalten,

Et valeant Graecos aequiperare modis;

Nec cedant toto laudatis orbe Latînis,

Nec cedant calamis, Celtica Musa, tuis,

Digni Gallorum quos Caesar robore primos

Scripsit, vt & celebres per decus oris eant;

Quò sua facundae Flandro sit gratia linguae;

Et sit Hyantaeo Gloria nota choro;

Cuius per medios incedens Iustus honores,

Eloquio Patriae parta trophaea canat:

Et trahat attentas in Belgica Carmina Musas,

Obstupeat doctos ipsus Apollo sonos,

[p. **Ir]

 

Et Flandro velit ore viros iam dicere Homerus,

 

Et Maro per Flandros} currere in armam pedes.

 

Quique legent sacro venerandos Pneumate versus,

 

Obscoenis pudeat ludere foeda jocis;

 

Nec vetitam doceat Venerem Praeceptor Amorum,

 

Orgia nec Baccho Teïa Musa sonet;

 

Sed malint castas mulcere decentiùs aures,

 

Sed malint Christi Numine digna loqui:

 

Seque aueant parili celebres è carmine, Laurum

 

hardvinam Capiti promeruisse suo;

 

Nomina & à sancto peperisse modesta pudore,

 

Perpetuanda solo, perpetuanda polo;

 

Qualia Ganda inter Graios Latiosque triumphans,

 

Gaudet ab hoc Dîo concilianda libro.

Simon Kerchouius Gandensis

Pastor Cath. Eccl. S. Bavonis.