Goddelicke lof-sanghen

[p. **IIIr]

Genio Harduiniano.

IUste sacri spes iusta Chori: iustissima Divûm

Cura, lubens vatum queis pia turba facit.

Quis novus hic, supra nostrum te, Spiritus, aevum,

Aevum; quod latio Cecropioque sale

Conditum, omnigenas spirare medullitus artes

Creditur, & iam-nunc culmine stare suo:

Quis novus hic supra excultum te Spiritus aevum

Ad facienda nouo Carmina more rapit?

Vt nec Petrarcae vis ignea, nec Bertassi

Gratia, conatis obstet iniqua tuis.

Ardua res! cui par tantùm potis AERA ΔΥΝΕΙΝ

Ardua quoi virtus Vincere avita dedit.

Quod genus hoc monstri! An Samij de mente magistri

In te Maiorum credimus isse animas?

Et veterum puta-pura vocabula Becceselanωn

Cimbrorum indigenis sufficere apta, modis?

Cedite Tyrrheni vates, & cedite Galli,

Nescio quid maius Cimbrica Musa parit.

Andreas Hoivs apud Duacenses

Graecarum literarum Regius Professor.