Historica relatio duodecim martyrum Cartusianorum qui Ruremunde in ducatu Geldriae agonem suum feliciter compleverunt

[p. 12]

Historica relatio Duodecim Martyrum Cartusianorum Ruraemundensium, die 23. Julii anno 1572. crudeliter ibidem interemptorum.

Auctor lectori.

VIsum est separatim, benevole Lector, exponere Martyrium duodecim Cartusianorum Ruraemundensium: illo nimirum tempore inauditâ quadam rabie interfectorum, quando civitas Ruraemundana ab exercitu Guilhelmi Principis Auraïci invadebatur. Cujus rei gestae Historiam huic loco reservavimus, ut Anglorum nostrorum Patrum Martyrio oportunè jungeretur. Descripturo autem hanc Historiam, visum est, paulò altius repetito principio, breviter originem istius Cartusiae, quae Ruraemundae est, indicare.