Const-thoonende juweel

Bij de loflijcke stadt Haerlem, ten versoecke van Trou moet blijcken, in't licht gebracht

Rhetorica tot de Roo Roosen van Schiedam,
Eysschende des Intredes verclaringe.

WErt den Olm-boom bemint vanden Wijngaerdt schoone?
En ontfangt sy vanden Olm-boom weer liefde te loone?
Is oock de Tortelduyf soo tot elcander ghesint?
Hoe sou dan niet ick der wijsen vercieringh en croone,
Beminnen, die vande welcke ick hertlijck sy bemint,
Sulck sijt ghy Roo Roosen: dies als een moeder haer kint
u beminnende, ben ick hertliefdich tuwaerts gheneghen,
Weest wellecoom dan, en volghens reden my claer ontbint
tverstant ws Intreets, doch wilt welsprekentheyt pleghen,
Want sulcx can dieren, vogelen, boomen en steenen bewegen.