Const-thoonende juweel
(1607)–Zacharias Heyns–
AuteursrechtvrijBij de loflijcke stadt Haerlem, ten versoecke van Trou moet blijcken, in't licht gebracht
[Folio Fff3r]
| |
Refereyn.
VVel aen beroomde, ghy zijt alreed' ghecomen,, nu Ga naar margenoot+
tot het manlijck verstant, soo wy al gheropen zijn,
Blijft niemant schuldich yet, maer quijt als den vromen,, u,
Elc is des anders liefde, voldoende Godes wet fijn,
Met de Meliten nu op den huydighen termijn,
V tot 'sHeeren werc stelt, daer in overvloedich weest,
Midts ghewillicheyt bevlijt, op dat 'tblijct voor elcx aenschijn,
Door d'hant des Middelaers die ons alleene gheneest,
Nae het ghetrouwe woort vernedert u aldermeest
tot de cleynmoed'ghe cranc nemende haer smerte aen,
Of die u eyghen waer, wy zijn een lichaem en geest,
Daeromme slaet haer acht, laet de handen open staen,
Ghelijc Gods soon begheert doende als hy heeft ghedaen
tot hulp uwer blyschap, verstaet en hoort zijn reden,
Elc een die roept Heer, Heer, sal in't Hemelrijck niet gaen,
Maer dien zijn wil bekent, aen haer naesten voldeden,
Lieft ghy Christum het hooft, soo troost dan oock zijn leden.
Ghedenct het woordt, dat Godt den Vaderen gheboodt,, hier,Ga naar margenoot+
Dewijle sulcx recht is om den tijt wel te beleven,
Een rechtvaerdich aenwijs, door't welc Loth heeft ghenoodt,, fier
de Gasten op een tijt, die tot zijnen huyse bleven,
'sGhelijcx Abraham tuycht, latet u exempel gheven
met een vertrouwen vast, ende hebt stercke begheren,
Wat rechtvaerdichs te doen, ghelijc daer staet gheschreven,
Met uytdeylinghe veel, in menigerley' hanteren,
Hier toe is d'Overvloet al vanden Heer der Heeren
In gaven Goddelijc, d'Levitischen Coninc vroet
hevet dit wel ghenoucht nae dat de Schritueren leeren,
Noch al andere veel aenleght nu soo tijtlicke goet
Om gheheylicht te zijn inde cracht der waerheyt, doet
aensoeckinghe Godd'lijc, wilt den tijt deuchdich besteden,
met dees voor'ghe ghenoomt nu van ghelijcken spoet,
D'wijll' Godt gheen Offer souct, maer groot barmherticheden,
Lieft ghy Christum het hooft, soo troost dan oock zijn leden.
| |
[Folio Fff3v]
| |
Ga naar margenoot+Becrachtighet nu 'twoort door volghende wercken,, noch
geeft thiende en ooc meer, van 'tgheen dat ghy hebt ontfanghen
Maect spijs-offer bereyt, die gheeft tot een verstercken,, doch,
d'Hongh'righen, dorstich, naect boetende haer verlanghen
met meedelinghe milt, volghende alsoo de ganghen
Melchizedechs vreedsaem, sonder personen 'taensien,
Brenght hun u broot en wijn, wilt haer liefdich doch aenhanghen:
Op Abimelech merckt, die veel weldaets deed' gheschien,
Een gheheele menicht, nae Goods ende Davids ghebien:
Als Manoach en 'twijf, die jv'richt waren gheneghen
tot aelmossen eerbaer, al nae der Schrifts bedien,
Mits noch Weduwen drie, achtet al recht op haer weghen,
Wand'lende ghelijc sy, als ghetrouwe knechten pleghen,
Rekent hier uyt Goods gheest, begheerte manier en zeden,
Derwijl daer nu tijt is, stond' en termyne gheleghen,
'tGheloof tot versterckingh, ende tot w's ziels bevreden,
Lieft ghy Christum het hooft, soo troost dan oock zijn leden.
Prince.
Ga naar margenoot+Met sulcken gheest vierich waren dees ontsteken,, snel,
Tot haren even mensch ghedienstich Princen verbonden,
Niet eenen eenich, maer 'tis uyt veel ghebleken,, wel,
Elc nae zijn gave, 'twas aen Cornelio bevonden,
d'Apostelen dies ghelycx: Siet die van Ashaia sonden
hun mede-gebroeders veel, tot Iudea benout,
Werden wat nuts gebracht, Te Macdonien stonden
d'Discipulen vaerdich, om brenghen silver en gout
binnen Ierusalem, comet vrije ende beschout
als in een spieghel claer, 'tampt der Christ'nen vol crachten,
VVT jonsten begrepen door ghestadich onderhout,
Levendich afghebeelt, Onesiphorie achten
Sulcx hoochnoodigh wet' dienende met woort en ghedachten,
d'And're van 'tvleesch'lijc goet, al scheen hy een onbesneden,
Volcht deses doene vry, als rechte Davids gheslachten,
Met behulpsaemheyt groot, van d'minste daer toe ghebeden,
Lieft ghy Christum het hooft, soo troost dan oock zijn leden.
|
|