Const-thoonende juweel

Bij de loflijcke stadt Haerlem, ten versoecke van Trou moet blijcken, in't licht gebracht

[fol. Ggg1v]

[De Corenbloem vanden Haghe]

Haerlem tot die vanden Haghe.

Aristotimes een bloetdtdorstich tyran onversadich,
Geweldich tyranniserende met wreetheyt ongehoort
Over d'Eleusienen die hy veel ongenadich,
sonder schijn van recht met wijf ende kinderen heeft vermoort
Is eyndelick door Elanicus en Chilo verstoort,
Tot verlossing en vrijheyt des volcx gedoot rechtvaerdich,
Met sulcken vreucht alsmen doen by de burgers heeft gespoort
Heet ick u wellecom O Corenbloem in const aerdich,
Die 'tnut Met gheneuchten leert, is boven al eerwaerdich.

Antwoordt.

Ontfanck // in danck // wy nemen O Princesse fyer,
En met sulcken yver als ghy ginct becrachten
De Damiaten, en verwont die: waer van de stadt noch hier
eeuwich lof zy: behouden sal van geslacht tot gheslachten,
Ooc met sulc begeert als d'oude Armen hier troost verwachten,
Met noch grooter hert-trec comen wy hier jae duysentmael meer
Want ghy Retoricam die tot veel steen leyt in onmachten,
Dus heerlic conforteert, en steltse in haer oude graet weer,
Lof dees Magistraet, die d'Armen voorstaet, t'stadts eeuwighe eer.

Met gheneuchten.