Gedichten. Deel 1

Sonnet.

Vive image d'honneur, pourtrajt sans aultr' exemple⁺

Qui tenant raccujllie, aux cercles des beaux jeulx

Toute la majesté des cercles des hauts cieulx,

En fajs, en peu de lieu, une monstre plus ample:
Si le destin permet, que ta douçeur contemple

D'un rayon de faveur, le zele de mes voeux,

De les tant vous feray de sacrifiçes, qu'eux⁷⁾

Suffiront, pour en estre a toy basty un temple.

Permets m'en seulement le drojct de patronat.

Toutes les functions d'un grand pontificat

S'y administreront par mon ame en personne.

Jamajs n'y manqueras d'un feu perpetuel.

Voyre de flamm' et feu sera mesme l'autel:¹³⁾

Car mon coeur allumé pour autel j'y ordonne.

+ Vive image d'honneur. Volgens hs. A.

7) de les, daarvan.

13) voyre, voorwaar.