Briefwisseling. Deel 3: 1640-1644

3394. Aan prinses Amalia van Oranje⁵⁾. (H.A.)*

‘Il est raisonnable que je laisse à Monseigneur le Prince Guillaume le plus particulier recit de son combat. J'y adjousteroy seulement qu'aujourdhuy le trompette de Cantelmo a advoué que la moitié de leur cavallerie sortit hier, comme aussi en peuvent faire foy tant d'officiers de marque, faicts prisonniers hors du quartier. D'ailleurs, ceux qui vienent d'Anvers tesmoignent, que sur les entrefaictes de cest exploict il y eust si grande frayeur et confusion audit quartier, que leurs gens fuyans pesle-mesle, aveq chevaulx et bagage etc. vers la ville, on fut obligé d'y fermer les portes. Qui faict juger, qu'au moyen de trois ou quatre mil hommes d'infanterie on eust peu enlever tout le quartier. Mais les choses qui se font aveq tant d'apprestes, souvent reuscissent le moins, et avons â louër Dieu de la belle victoire qu'il nous a donnée si hors d'apparence. Car les plus sensez ont eu de la peine à croire ou esperer, que jamais Cantelmo fist le pas de clercq qu'il a faict, en se precipitant ainsi dans une embuscade, qu'il avoit tout subject de soupçonner, au moins tout loisir de faire descouvrir à son ayse, et sans rien hazarder mal à propos. Pour une marque tres-certaine de leur foiblesse, estonnement, et confusion, on void comme depuis l'escheq reçeu il n'est point apparu un seul homme en queuë d'une si longue retraicte, qu'on n'a commencé à faire qu'apres avoir bien disné à loisir tout contre la place de l'execution, qui est justement demeurer maistre du champ de bataille. - A ce midy S.A. a faict disner aveq elle les principaulx de ces prisonniers, qui sont gens de tres-bonne façon, et nommement ce Don Juan de Borgia, entretenants S.A. aveq de grands respects et soubmissions’.

5) Uitgegeven in de Archives de la Maison d'Orange-Nassau, 2^e sér., IV, blz. 90.

[p. 441]

Hierbij gaat eene lijst van de gevangenen. Cantelmo heeft verzocht hem dadelijk alle gevangenen terug te zenden, onder belofte, dat hij voor hun losgeld zal zorgen, maar dat is voorloopig niet toegestaan. A Berghen op Zoom, le 5^e de Septemb. 1643.