Briefwisseling. Deel 4: 1644-1649

3884. C. Barlaeus⁴⁾. (L.B.)

Redeunt ad te, nobilissime Hugeni, Dies tui Festi⁵⁾, verum diffusi in τὰ ἕϰαστα, ne temporum iniuria pereant, quae a pluribus asservari possunt. Secuti sumus autographum tuum, quoad per humanam sedulitatem et curam fieri potuit; licet de dispunctionibus, et syllabarum compositione, et litteris in fine duplicandis vel non, controversiam mihi moverint grandes critici. Sed minus curant illa philosophi Reales, et istos Nominales cum Thoma Aquinate⁶⁾ iubent suis facetijs gaudere et securos frui. Ea forma excusi sunt, qua a te scripti, ita ut suspendi possent singula lemmata et iuxta se invicem affigi parietibus et legi. Cum Tessela commissus es:

Egregiam vero laudem, si lactea possit

Tessela Constanti succubuisse viro,

Et mater cessisse Patri; expectanius amici

Praemia, quae victa de Babylone feres.

Respondisti apte ad epistolam⁷⁾, sed nondum ad viduae epigramma acre satis et salsum⁸⁾. Non est ἄϰολος, quicquid tandem de lite sine bile glorieris. Ego extra teli iactum in vestra pugna nolo esse a partibus secundus, ne utrinque vapulem; malim ego viduam istam amare innoxie, quam stylo pungere. Duo cum faciunt idem, non est idem; albae gallinae filius es apud Tesselam et a Jove nutritus; uris illam et secas, et illa te, et mutuo palpum obtruditis. Pelias hasta estis uterque; profitemini amicitias, officia et utilitates, quales ex hostibus petuntur, et eadem linea caeditis inque vicem praebetis crura sagittis⁹⁾. Sub mellitis verborum globulis miscetis aconita. Breviter, comoedi estis, et peruncti fecibus ora¹⁰⁾; alij estis, alij videmini.

Quos cum domina Osmalia commutasti versus¹¹⁾, intelligam, ubi reversus ad nos fuerit

4) Uitgegeven door Van Vloten, Hooft's Brieven, IV, blz. 317. - Zie No. 3868.

5) De Heilighe Daghen.

6) De beroemde Middeleeuwsche wijsgeer (1225?-1274).

7) Misschien is bedoeld Huygens' bekend gedicht, Mijn' Tong en was noijt veil, mijn' Penne noijt verkocht (vgl. Gedichten, IV, blz. 25), dat hij op 22 Jan. aan Tesselschade richtte.

8) Zie No. 3872.

9) Persius, 4, vs. 42.

10) Hor., A.P., vs. 277.

11) Zie No. 3882.

[p. 123]

Satrapa. Hic in praefecturae suae urbibus iam ponit et tollit secures. Marinum magni facio et inter summos seculi nostri poetas loco; redibunt ad te Osmaliae lusus de Hippocrena, Hippocrate et Hippocratico nectare. Caveat sibi a Pegaso, nam caballus est. Reliqua ex dono tuo apponam meis. Si plura exemplaria poematum tuorum petas, mittam ........ Amstelod., XXVIII Jan. CIƆIƆCXLV.

Trecentos istos accepi per D. Vicofortium.