Briefwisseling. Deel 4: 1644-1649

4204. Aan prinses Amalia van Oranje. (H.A.)*

Monsieur le comte Henri ayant faict aujourdhuy son premier rapport de bouche, et faict veoir comme le tout estoit disposé à passer le pont de joncs au fossé du Moerspuij, large de plus de cent pieds, a esté authorisé ensuitte d'en faire une fin comme il pourroit, mais tousjours de sommer les assiegez, auparavant que d'en venir à l'extremité. Ceste sommation donq ayant esté faicte, voyci que vers les dix heures apres soupper le capitaine Ploos⁴⁾ apporte, qu'ils ont presté l'oreille à capituler, et qu'ostagers de part et d'autre ont esté envoyez et receus, par ou la vie et la santé de quelques honestes gens aura esté conservée, et Dieu soit loué de tout. Il fauldra veoir quelle mine feront les forts qui restent. Pour à present il n'y a autre nouvelle icy. Ceux du païs de Waes se disposent à payer plustost les soldats que nous employerons à raser les forts, que d'y faire travailler leurs païsans, craignans le ressentiment des Espagnols. Au camp de Hulst, ce 13^e Novemb. 1645.

4) Zie II, blz. 294.