Briefwisseling. Deel 4: 1644-1649
(1915)–Constantijn Huygens–
Auteursrecht onbekend4617. Aan Anna Maria Schurman. (K.A.)‘Eximij popularis mei, cuius hactenus artificem ob oculos habuisti manum non e vulgo, nunc et mentem et ingenium vide, et ab his profecta praestantissima atque, ut mihi quidem videntur, cum antiquitate comparabilia monumenta. Vide, inquam, et cum bonis omnibus dole, huius tam lucidi sideris in Batavo climate brevius curriculum fuisse, quam pene solis hyberni est ad septentrionem. Si satis memini, querebaris hujusmodi libellos in urbe vestra non extare. Gaudebo, si ne hactenus quidem allati fuerint, ut ab amico Hagiensi potius quam ab ulla manu extera accipias magnum poetam Hagiensem, decus revera nostrum et natalium favore meorum grande ornamentumGa naar voetnoot1). - Psalmi nostri, quorum nonnullis pro humanitate tua patientissimas aures commodasti, ad unum omnes excusi sunt; sequuntur cantiones Gallicae et Italicae, quas simul duxi nescio an edendas an expuendas, ut semel hisce naenijs defunctus amicis flagitantibus videri possem totam fidem liberasseGa naar voetnoot2). Videbis tu etiam id opusculum, simulatque exortum fuerit e lentulis, vel certe distractissimis manibus typographi regii, cuius ut caetera despicias, utique elegantes typos non improbabis. - Quam τοῦ μαίνοντος pictoris vestri GoutijGa naar voetnoot3) penes me mirabilem tabellam esse narraviGa naar voetnoot4), etiam nunc transmissa fuisset, nisi succurrisset, quod ipsam te Hagae videbaris polliceri in hanc aestatem. Quo in consilio si adhuc perstas, ut ego quidem opto, ac te cum cacteris amicis rogo, tutius illud ϰ;ειμήλιον hic visetur, cum paucis alijs, quibus te, nisi fallor, vix poenitebit breve momentum impendisse. Manda tamen, si quid secus curatum velis; ecce enim cum imperio injungas’ ..... IIX (8) Iul. 47. Groet den heer Voetius en uw broeder. |
|