Briefwisseling. Deel 5: 1649-1663

[p. 81]

5126. Aan Anna Maria Schurman. (K.A.)

Quando Catonem foeminam agere voluisti, in theatra ingressa ut exires, solis nimirum auribus pastis nescio quo meo cibo, totis, ecce, te exsequijs¹⁾ sequar, et licet non ignarus, quanto

Segnius irritant animos demissa per aurem,
Quam quae sunt oculis commissa fidelibus²⁾,

omissis nunc musicis infacetijs meis, quibus nimium est quod vacasti semel³⁾, ad hoc genus spectaculi denuo te voco, cujusmodi sub crepusculum vespertinum, nimiâ pompae morâ, incommode vidisti, nescio an spectando lassior an expectando. Accedit quod commentarioli, quem vides, in gratiam pictoris amicissimi⁴⁾, autorem hanc meam manum frequens rumor facit, ut jam, quocumque te proripias, vix evadas aut loquacitatem meam aut scriptiunculas. Subjungo proinde et epigrammatium in funus nuperum, quod inter meorum insulsissima tua certe humanitas non censebit⁵⁾. Equidem hoc ipsum hactenus non vulgo, ne quidem inter amicos. Terret quippe nos saeculi iniquitas, per quod de Dominis Auriacis vix impune quis usurpet solenne illud numismatum antiquorum, Optimi Principes. Consule tu autori quoque pro tua prudentia, nec temere cui copiam facito versiculorum quantumvis innocentium. Quod de tutela vides⁶⁾, non est quod sollicite celentur. Versantur quippe in argumento bonis laudabili, fortasse nec pessimis improbando. Supersunt plura non infimi commatis, quibus te in musaeo Zulichemico detinere certum erat. At tu fugere maluisti, indignantibus Musis, quae se despectui Schurmannae fuisse nondum dolere cessant. Erit cum emendare culpam voles, cujus te nolit Voetius⁷⁾ esse ream. Fiat, fiat, virgo mea, si quo penes te in pretio est qui simul vivere et esse desinet .... 23 Mart. 1651.

1) Uit Huygens' versje Ad Schurmannam Delphis (vgl. Gedichten, IV, blz. 254), blijkt, dat zij de begrafenis van Willem II te Delft heeft gezien en niet in den Haag, zooals Huygens gewild had.

2) Hor., A.P., vs. 180, 181.

3) De Pathodia.

4) Waarschijnlijk Ad Annam Mariam Schurmans inscriptum pompae funeris Auriaci per P. Postium aere expressae (vgl. Gedichten, blz. 256). Het versje werd den 19^den Maart geschreven. Bedoeld is de prent, die Post in 1647 maakte van de begrafenis van Frederik Hendrik.

5) Nl. In exortam tempestatem et diluvia sub exequias Gulielmi Primcipis Auriaci (t.a.p., blz. 253). Het gedicht, op 8 Maart 1651 geschreven, werd in 1655 niet in de Momenta desultoria opgenomen.

6) Nl. het gedicht Ad foederatos Ordines pro pace Domus Auriacae votum (t.a.p., blz. 242), misschien ook La Tutele. Epistre burlesque, à Monsieur le comte de la Vieuville (t.a.p, blz. 244) en A la Princesse de la Grande Bretagne (t.a.p., blz. 251).

7) Zie II, blz. 294.