Briefwisseling. Deel 5: 1649-1663

5318. J. Westerbaen³⁾. (L.B.)aant.

Ignosce mihi, si serius quam voluisti libellum hunc tuum⁴⁾ remitto; erat ille dignus qui denuo legeretur, postquam a capite ad calcem eum perlegeram, neque erat⁵⁾ illius ad amicam, cui illum commiseras, ista quam volebam occasio deferendi. Movit mihi splenem ad risum argumenti et styli istius dramatici festivitas et ad rictum bilem artes et rapinae illae meretriciae, neque possum non manibus pedibusque applaudere lepidae fabellae lepida conscriptae manu, et favere vapulanti lenae ϰαὶ λεωϕόρῳ et forti isti militi, qui ad formidatum cultri nautici splendorem tam gloriose trepidat decempedali cinctus machaerâ. Agnosco ubique summi vestigia vatis et etiam hic Hugenium, quamvis properatum opus esse dicis et ijs effusum diebus, quibus scribi vix possît. Ita omnibus palmam praeripis, sive cothurnum, sive soccum induis. Certe si pictura et poësis, quo propius rem quam imitantur exprimunt, eo laudabiliores sunt, quis non miretur hic omnia, tum quae inventionis, tum quae elocutionis sunt, et inter caetera scenae illius artificium, ubi in sterquilinio se suaque colligit expergèscens mulier et super sexu suo consulit novum subligar? Moverat mihi salivam Dorpia⁶⁾ et, quia molles aditus faeminis damus mares, visum fuit illam sollicitare, ut abs te impetraret, uti admitterer ad hoc spectaculum. Qui illas sibi patronos parat, exorata habet quae ipse petere vix audeat. Nunc gratias tibi ago, quod non difficilis fuisti in me ad haec sacra admittendo, et de Ockenburgo

3) Het laatste gedeelte van den brief is gedrukt vóór de uitgaven van Ockenburgh, het eerste en het postscriptum in Tijdschr. voor Nederl. taal- en letterk., VI, 1886, blz. 245. - Zie No. 5316.

4) Het afschrift van de Tryntje Cornelis.

5) Er staat: erat ea

6) Maria Charlotte van Dorp; zie No. 5243 en 5290.

[p. 191]

hoc habe: Fecit Vitaulium tuum, et quod subdebas mihi calcar apud angiportum, ut etiam in isto argumento ad exemplum tuum aliquid tentaverim¹⁾, a quo etsi me terrebat et mea tenuitas et tua ista ingeniosissima et doctissima Vitaulij descriptio, jeci tamen aleam, quia etiam nunc

Scribimus indocti doctique poemata passim²⁾,

neque jam minus quam olim

Stulta est clementia periturae parcere chartae.

Et est jam aliquamdin tela ista pertexta, cui si aliquando aliquid dignaberis praeludere et suspensa hedera vile hoc vinum facere vendibile, rem pergratam mihi feceris, qui etiam non poteris non favere meis conatibus, quia te auctore haec ausus fui, et videbis in illis hic illic amoris mei erga te tuaque non obscura testimonia. In Ockenburgh, ipsis Calend. (1) Decemb. CIƆIƆCLIII.

Monendum hic duxi, in prima prologi pagina legi Claes Dirxze, qui ubique Claes Gerritsz, etiam Nicolo Gerardi vocatur³⁾, quod errore amanuensis factum credo, quem Calliopius in recensendo praeterijt.

1) Westerbaen heeft in Ockenburgh zijn landgoed bezongen, evenals Huygens in Hofwyck het zijne.

2) Hor., Epist., II, 1, vs. 117.

3) Vgl. Gedichten van C. Huygens, V, blz. 49, Noot.