Van ghewoonte ende onghewoonte.
EEn mensch die sijne ghesondtheydt bemindt, sal aenmercken deur wat manier van leven hy best in goede ghesontheydt sal moghen leven, aenmerckende sijn nature ende ghenegentheyt, ende het best vercoren hebbende na dat sijn nature uytwijst, sal daer ghestadigh by blijven, niet loopende van d'een op d'ander, vanden os op den esel: want onghewoont is leebreken. Ende alle nieuwigheydt maeckt swarigheydt, waer deur sieckten inden mensch zijn comende. Daerom salmen hem wachten voor schielijcke ende haestighe onghewoonten, 'tzy van arbeyden oft veranderinghe van leven ende van plaetsen, bysonder uyt ghesonde in argher ende onghesonde, 'twelck seer quaedt is, als verre reysinghe ende verre verhuysinghe, daer menigh mensch door in groote cranckheydt valt, ende oock wel sijn leven deur verliest.
Auteursrechtvrij