Adem lanck maken.
'TSaet van Averuyt drooch gepoedert, met honich ghemenght en gheleckt, of het selfde saet met wijn ghesoden ende inghenomen, maeckt eenen langhen Adem.
Annijs-saet gheknaut maeckt eenen langhen soeten Adem.
Item het saet van Nigella gepoedert, met wijn ghedroncken maeckt eenen langhen Adem.
Desghelijcx het poeder van Cardo Benedictus met wijn ingenomen, maeckt eenen langen Adem.
Drooghe Vijghen rau of ghebraden ghegeten, dienen wel om den Adem lanck te maken.
Auteursrechtvrij