Arte di palabra

3. Klasifikashon di lírika

Pa distingi diferente grupo den lírika ta mas difisil ku den épika i dramátika. Pasobra lírika ta ekspreshon direkto di hende su sintimentu; i un hende su sintimentu tin tantu fórma i matís, ku práktikamente e kantidad di fórma lírika no tin limite. Pa haña mas o menos un idea, sinembargo, nos por forma algun grupo grandi. Pero kada agrupashon tin su fayo. Ademas di esei tin hopi poesia líriko ku por ta klasifika den diferente grupo.

Tin dos posibilidad di klasifikashon:

1.	sigun kontenido.
2.	sigun fórma.

Siendo ku lírika ta ekspreshon di sintimentu humano, nos por parti e sorto di poesia aki den e sigiente gruponan:

1.	relashon di hende ku Kreador.
2.	relashon di hende ku su próhimo.
3.	relashon di hende ku naturalesa.
4.	relashon di hende ku morto

[p. 3]

Sigun kontenido pwes nos por yama nan:

1.	lírika di fe
2.	lírika di amor
3.	lírika sosial
4.	lírika di lamento (elegía)

Sigun fórma nos por distingi den Iírika e kansion ku ta formá di:

1.	un o mas estrofa di dos verso (dístiko)
2.	un o mas estrofa di tres verso (terseto)
3.	un o mas estrofa di kwater verso (kwarteto).

E formanan partikular di kansion ta:

1.	soneto
2.	rondel
3.	akróstiko
4.	refran
5.	poesia di kadena.