Arte di palabra

7. Lírika di naturalesa

Den nos kwentanan ku ta pertenese na literatura oral apenas bo ta topa deskripshon di naturalesa. Kisas e hendenan di promé ayá tabata asina kustumbrá ku grandesa di naturalesa, bibando den dje kontinwamente, ku e no a hasi impreshon riba nan.

Pero den siglo 19, tempu di Romantisismo, lírika di naturalesa ta lanta kabes. E prome prueba di esei, na Papiamentu, ta ‘Atardi’ di Corsen. Por sierto ‘Ata nubia’ tambe.

Den su ‘Trenza Litteraria’ (1916), pader S.v.d. Pavert a presentá den

[p. 8]

‘Flornan ta di fiesta’ algu ku nos por yama lírika di naturalesa. Aunke e ta na un papiamentu poko mankaron, nos ke menshona tres estrofa:

Manita tuturutu unbez
Ta spierta su ruman,
Ta toca su trompeta, pues
Tur lamanta tempran.

Shoshoro unbez ta percura
Di tinji su bistí
I tene hilo tur purá
Pa claré, sapristi.

Anglo ta rek su man chiki,
Ta lamanta cabez;
Su boca di oro tur habrí
Di: Kico tin cunes?

Henri Habibe su ‘Soledat’ (Watapana, Aña III, number 2, januari 1971) tambe nos por konsidera lírika di naturalesa, aunke por klasifik'e otro manera tambe:

soledat
ta manera un extenshon
di kunuku
pelón,
ku a bebe bruha di solo
i ta kabisha treimerdia,
pensando
kon su paisahe a pega soño
den hamaka di bientu...

den santana di kandela
un wantomba
ta para brasa shelu
i su alma ta herbe bai laria
for dje fiernu
bandona...

‘Amanese’ (‘Di nos’ 1971) di Philomena Wong ta puru lírika di naturalesa:

Naturalesa
ta lusi den su mes beyesa
di amanese.
Blachi di mátanan

[p. 9]

 

ta karga riba nan ala

 

hoya presioso

 

di kristal

 

chiki pero kostoso............

‘Kelki hel’ (Kosecha di maloa, 1963) di Luis Daal, tambe ta un:

Den papureshi di un kelki hel bibitu,
dorná ku perla di serena,
Naturalesa, un mainta 'i solo,
ta ofrese e emoshonante esena
di un maribomba na trabow............