Arte di palabra

47. Pia

Un kombinashon espesífiko di sílaba aksentwá i no-aksentwá ta un

[p. 47]

pia. E kantidad di sílaba den un pia por ta dos o tres, i un di nan mester ta aksentwá.

Nos konose:

Na final di un verso por agrega o kita un sílaba (generalmente ku aksent debil).

Yambo:

Trokeo:

Anapesto:

Dáktilo:

Anfibrako:

Espondeo: bistek, potlot.

Tuma nota! Kasi tur nos verbonan di dos sílaba (kome, mira, tende, kere ets.) nos por klasifika komo espondeo, aunke tur dos sílaba no tin eksaktamente mesun aksento. Tin kaminda ku asta nan por hasi trabow di anapesto, komo tin apenas un powsa chikitu entre kada sílaba, di moda ku nan ta parse un triol pero ku un powsa meimei di dos sla.

[p. 48]

Tin Dios / tin kos,

tur dos / por bal.

Prome ku nos sigi ta bon pa observa ku awendia nos ta uza arsis l tesis ku un nifkashon kontrario na loke nan tabatin originalmente.

Nomber di tur pia ta derivá di griego.

Yambo ta nifika ‘bai den direkshon di’ o ‘ataka’, pasobra nan a uza yambo den sátira.

Trokeo ta nifika ‘koriendo’, pasobra e ta rápido.

Dáktilo ta ‘dede’. Meskos ku un dede e pia aki ta konsisti di un parti largu, sigí pa dos kortiku.

Anapesto ta ‘tirá patras’. E ta un dáktilo robes pa drechi (dilanti patras).

Espondeo ta nifika ‘pertenese na libashon’ (ofrenda di bibida na un dios). Nan a yam'e asina, pasobra na ora di ‘libashon’ nan tabata uza melodia lento i solem. ‘Libashon’ ta e seremonia paganu ku tabata konsisti di yena un glas (beker) ku biña o otro bibida i dram'e despwes di a purb'e.

Anfíbrako: kortiku na dos banda.