Kantika pa Bjentu

[p. 10]

Kada skin'i hanchi

Kada skin'i hanchi
ta un monumento di rekwèrdo,
ku pa kada un di nos
ta rebibá un parti di nos bida.

Ta posibl ku pa un ta sitjo
di prome enkwentro,
i pa otro e luga,
kaminda bòw di lus di pal'i telefòn
anochi el a para kòmbrsá.

Lo tin, ku na nan skina
tabatin djis kantu di muraja
e buraku pa ninichi.
Kisas otro lo ta rekordá
su wela biew ta sinta bende kos.

Asina kada skin'i hanchi,
den ki barjo ku e ta,
lo keda pa nos alma un refugjo,
den nos bida un altá.