Theatrum stultorum

[p. 35]

Theatrvm Stvltorvm sive Mvndvs Fatvvs.

[p. 36]

Stultorum plena sunt omnia.
Cicero Epist. fam. lib. 9.

[p. 37]

Emblema.
Genius, aëris stellas, litoris arenas, & arborum frondes numerans.

Numero copia maior.
Ovid. fast. 5.

FRustrà dinumeras palantes aethere stellas,

Frustrà vis guttas noscere, Pupe, maris.

Frustrà vis Dryadum virides numerare capillos,

Frugesq́ue Alcinöi, spicigeraeq́ue Deae.

Frustrà vis numero Stultos comprêndere Mundi,

Horum nam numero copia maior erit.

Per fora, per vicos, per compita, perq́ue tabernas,

Stultorum passìm plurima turba salit.

Indefinitum, numero narrabile nullo

Illorum est agmen; Regia fine caret.

O! Si Democritus, si viveret Heraclitus!

Heu! Hic quot lacrymas funderet, ille jocos.