Theatrum stultorum

Stvltitia
Aulicorum malè consultorum.

Emblema.
Duo vel plures Genij, qui candelis è scopis elevatis, Vespertiliones decipiunt.

Officit hic fulgor.
Ad Horat. Od. 11. lib. 1.

CLarè conspicuam, lucis amans, quid toties facem
Haec circumvolitas? haec tibi lux, haec tibi claritas
Vespertina nocet: quod rutilat, si sapias, fuge.
Si tangis, periisti volucris; si volucris modò
Dici vera queas: clara suum flamma necat procum.

[p. 46]

 

Aulam magnificam, celsaq́ue fastigia Principum,

 

Auratasq́ue fores, quid fatui, tectaq́ue Regia

 

Mortales colitis? fulgor honoris nocet Aulici.

 

Splendor tot loculis, atque dolis, totq́ue percuniis

 

Extortus, Domino saepè suo perniciem creat.

 

Aulam, si sapiens, atque pius, non Fatuus voles

 

Censeri, fugias: Iura, Fides & Pietas diù

 

Hoc fugêre loco: tu pariter, ne doleas, fuge.