Theatrum stultorum

[p. 48]

Stvltitia
Nobilium à virtute degenerantium.

Emblema.
Fons pellucidus & purus, de quo manat alveus aut rivulus spurcitiâ plenus.

Nobilitas sola atque unica Virtus.
Iuv. Sat. 8.

QUid magno veterum stemma Quiritium?
Decantas tonitru? quid statuas, genus,
Et vanis proavos laudibus inclytâ

Jactas progenie satos?

Erras ingenuum, si modò Nobilem
Vel te proptereà (Vir bone) somnias:
Fonte è perspicuo, saepiùs, ut vides,

Manat sordidus alveus.

Praeclara haud faciunt stemmata Nobilem,
Non cerae veteres, nec genus inclytum;
Vix haec nostra puto: Nobilitas, Thraso,

Virtus unica dicitur.