Theatrum stultorum

Stvltitia
Poëtarum Castaliorum.

Emblema.
Mola aquatica, quae sine beneficio aquae, nihil farinae largitur.

Dabit Vnda farinam.
Poëta loquitur.

NEc Mola dat tritam, si deficit unda, farinam,

Carmina nec Vates deficiente mero.

Esse Poëta cupis? chiragrâ podagrâq́ue labores;

Tunc calamus primùm, siccaq́ue vena fluet.

[p. 51]

 

Ennius ipse Pater vero pro teste citatur,

 

Qui benè dum cecinit praelia, potus erat.

 

Scilicet ingentes ausus & robora vinum

 

Sufficit, id nervos ingeniumq́ue juvat.

 

Dissolvit curas, attollit ad aethera mentes,

 

Entheus exurgit spiritus indè tuus.

 

Quare age, dum scribis, tibi suadeo sumere vinum;

 

Lympharis quoties frigida lympha placet.