Theatrum stultorum

[p. 56]

Stvltitia
Philosophorum Sophisticorum.

Emblema.
Duae Ancillae, quae fenestras ab aranearum telis emundant.

Acies subtilis, inutilis.

PHilosophi, solos qui se flant esse peritos,

Egregiosq́ue viros,

Sunt omnium Stultissimi.

Quid Logices laquei, quid caeca Sophismata, Elenchi

Ecquid acumen, inest

Quid Syllogismo plectili?

Sunt tricae & nugae, quamvis molimine magno

Talia quis faciat;

Heu! texta sunt Araneae.

Respice quàm vigili fiant haec fila labore;

Et tamen illud opus

Parvi putatur, spernitur.

Ingenij est acies subtilis inutilis omnis:

Nîl solidi, ast stolidi

Sophista vane discutis.

[p. 57]

 

Vincula Chrysippi nimiùm sublimia vita

 

Si sapis; alta nimis

 

Mens est ruinae proxima.