Theatrum stultorum

[p. 62]

Stvltitia
Ineptorum Doctorum.

Emblema.
Disputatio publica; Praeses è cathedra, parvulus Asinus defendens. Doctores oppugnantes, inter quos nonnulli formam habeant Asininam.

In Institutis magis muti estis brutis;
In Codice didicistis modicè:
In Novellis similes estis Asellis;
In Digestis nihil potestis;
Et tamen Doctores estis.

HUc ades è nido petulanti splene cachinno;

Materiam haec risus picta tabella dabit.

Annè Asinos, claros inter doctosq́ue Magistros,

Sublimem varios cernis habere locum?

Plurima nimirùm tales Academia bardos

Nutrit, Doctorum copia magna datur:

Sed titulo tenus: Eximij sunt arte bibendi,

Non dissertandi: vix tria verba tenent.

[p. 63]

 

Barbam Doctoris furcatam, pallia, braccas,

 

Fastum, nomen habent; caetera dona latent.

 

Nîl in Digestis, modicè de Codice nôrunt,

 

Eximij Stupidi mox tamen esse volunt.

 

Seu glaucum, aut rubrum; birretum rideo vestrum:

 

Non faciunt doctum pilea quadra virum.

 

Cingite contortis Asinorum tempora caudis;

 

Non est conveniens crinibus alter honos.

Hujusmodi Doctori mortuo, hoc, aut simile inscribendum Epitaphium.

Hìc jacet Eximius Dominus Magister noster,

Qui in vita sua argumentavit bis, vel ter:

Semel in Celarent, ita ut omnes admirarent;

Bis in Frisesomorum,

Requiescat in secula seculorum.

Amen.