Dialogus Creaturarum dat is Twispraec der creaturen
(2015)–Gheraert Leeu–
Auteursrechtelijk beschermd¶ Van siluer ende yser Dat eenendetwintichste dyalogus | DAt Ga naar voetnoot90 siluer sprack een ganck ondoechdeliken tot dat yser | O du bose vermaledijt is dijn gheslacht want hy dy | worden ouer alle die werlt ontalliken quaden ghedaen Om | [15] dat van di ghemaeckt worden glauien pijlen scutten pansysers | borstplaten harnes ende swaerden dye menschen mede te rech- | ende te pijnighen By dy vallen oeck oorloghen strijden en- | de vechteles waers du niet gheschepen die werlt soude wel in | vreden wesen ¶ Als dyt dat yser hoorden antwoorden wel | [20] reedeliken ende ontsculdichden hem en seyde O lieue broe- | der het is mi leet datter ghesciet als du gheseyt hebt Nochtan | en doe ick dy gheen onrecht Mer ist als du segst dat ic boes ende | quaet ben soe merket die waerheyt ende du sels vinden datmen | sonder mi gheen werck maken en mach want bi mi worden alle | | |
[Folio d5v]
| |
hantwercken ende consten ghemaeckt. ende dat aertrijck wort | bi mi vruchtbaer ghemaeckt. Ende als die menschen doer my | werken sij recken my ende maken van mi wat si willen ende ick | en ben niet wederspannich mer ben ghehoorsaem als die scep | [5] per dat gheordineert heeftEnde daer om ist dat die menschen van | mi quaet maken dat en is mijn scult niet want ick doe dat ick | sculdich ben Mer du sieste een caf in mijn oghe ende en merkes | niet den balck in dijn oghe want doer dy alle quaet gheschiet | ouerspul diefte manslachte ende dier ghelijc dye die menschen | [10] doen Ouermits di vergaen rechtuaerdicheyt ende die waerheyt | woeker ende roof ghescieden om dy du verleydeste die zielen der | menschen ende brenghester veel ten duueluolen Daer om hadt | beeter gheweest dattu hadste ghesweghen. ende soe qualiken | niet ghesproken Daer om ist een ghemeen segghen Die dwase | [15] en kan niet spreken want hi niet swighen en kan Aldus ghe- | uielt dat een philosooph al swighende bleef daer alle dye ander | spraken. Ende doe hy daer of gheuraghet wort waer om dat | hy oeck niet en sprack antwoorden hy daer op Dye dwase en | kan niet swighen In desen wort dat siluer bescaemt ende sey- | [20] de Wy Ga naar voetnoot91 sellen ons seluen altoes eerst wel mercken. eer wy | willen straffen ander luden wercken. Daer om seyt augus | tinus. Die reden die men wtspreken wil salmen eerst brenghen | an dye vijl der reeden dan an dye tonghe. Een philosooph | doe hy sweech daer veel luden spraken wort gheuraghet waer | [25] om hy dat dede. Hy antwoorden Het heeft my dicwijl be- | rouwet dat ick ghesproken heb. Mer dat swijghen nye Daer | om seyt catho. Nyemant en heeft dat swijghen ye ghescha- | det mer dat spreken wel Een man hadde op sinen werf gaen | de drye hanen. Ende onder alle sijn ghesin was een knecht | [30] dye oneerbaerlick leefden Dat dye hanen seer wel merkeden | Soe dat een van hem sanck Die knecht doet alsulken werck dat | onsen heer niet en sel behaghen Ende dit die knecht horende dode den | haen daer omDes anderen daghes hief die anderen haen sijn stemme | | |
[Folio d6r]
| |
op ende ghinck singhen Om dat onse broeder die waerheyt heeft | gheseyt is hi ghedoot Doe ginck oeck die quade knecht ende | dooden oeck die haen terstont Die derde haen was vroet en | de dit siende began hi te singhen hoor sich ende swijch of du an | [5] ders in vreden wilste leuen. Dese om dat hy sweech en wort | oeck niet ghedoot | |
|