Dialogus Creaturarum dat is Twispraec der creaturen

[25] Vanden doornen boom ende die wilde geyt Dat driendertichste dyalogus |

[fol. e8r]

CAmpnus ¹³⁷ als augustinus seyt in de gloos op dye sou | ter is eenrehande doorn dat seer dick is ende is sacht ende | weeck in dye wtsprutinghe ende scoon daer nochtant | nae witte doornen wt wassen. Tot desen boem is ghecomen | [5] een wilde gheyt doe die doorn noch nyet wt ghecomen en was | mer seer schoon was int bloeyen ende soft in antasten. ende voede | hoer daer ende at daer of mit grote soeticheyt. Daer nae alst | een wijl gheleden was wort si ghedachtich des goeden soeten | smakes. Ende tooch weder an den boom willende eten als si te | [10] voren hadde ghedaen Mer want hoor spruten nu verhardet | waren ende daer veel doornen in waren ghewassen ende die gheyt | die tacken began te eten ghinghen die doornen in hoor mont ende | keele staen ende deden hoor groete pijn alsoe dat die gheyt den | boom vermalediede ende seyde ONsalighe ¹³⁸ du hebste wel be | [15] gonnen. mer int eynde en biste soe niet gheuonden. ¶ Alsoe vin | det men veel menschen die int beginnen dat goet werc wel begin | nen mer ten eyde ¹³⁹ daer niet in en vorderen waer om si oeck dye | maledixi godes op hem verhalen Iheroniumus Inden kersten men | sche en wort niet ghesocht dat begin mer dat eynde Paulus die | [20] heylighe apostel began qualiken Mer eynde dat seer wel On | der wijlen worden dye beghinnen ghepresen. Mer dat eynde | int ouertreden wort verdoomt. ysidorus Dat eijnde is altoes | te soeken int leuen des menschen. want god en siet niet hoe- | danich wi voer hebben gheweest Mer hoedanich wij in dat eyn | [25] de gheuonden worden Ciprianus. wt sinen eynde sal ellic | mensche gherechtuaerdicht worden of verdoemt ¶ Het was | een ridder die te clooster woude gaen ende hi anmercten die son | den dye hy mitter tonghen bedreuen had. ende seynden sinen | knecht tot ten abt vanden cloester. dat hi hem te kennen sou- | [30] gheuen sinen goeden wil dye hi had om te clooster te gaen | ende segghen dat hi stom waer Ende nochtant hem ondergheuen | woude om inder ghehoorsaemheyt te staen Dese ridder wort | ontfanghen ende men en wist anders niet dan hy stom was | ende nam seer toe in doechdelike leuen Daer nae soude die abt |

137 C initiaal, 3 regels hoog, met zichtbare representant.

138 O initiaal, 1 regel hoog, met zichtbare representant.

139 eyde lees: eynde.

[fol. e8v]

reysen tot enen ridder dye in groter kranckheyt lach ende hy | nam desen stommen ridder mit hem Ende daer comende sach | die stomme dat die sieke ridder int versceyden der zielen wten | lichaem van den bosen vianden seer wort ghepijnt waer om | [5] hi seer screyede Ende doe si weder ten clooster souden gaen quam | hem luden temoete loepen een ridder die den abt gheloueden | dat hi een monick worden woude als hi sine dinghen bescicket | had Ende doe hi dit den abt ghelouet hadde ghinck hi voer hem | luden ende viel van een brugghe daer hi ouer gaen soude int wa- | [10] ter ende verdrenckede wes siel die stomme sach inden habijt des mo | nicks inden ewighen leuen brenghen vanden heylighen enghel | waer om hy wt groter blijscappen lachende wort te mael seer | Als dit die abt sach gheboet hy hem by dye ghehoorsaemheyt | waert dat hi spreken mochte dat hi hem segghen woude waer | [15] om hi soe seer ghelachet hadDoe antwoorden hi O vader du | en hebste niet wel ghedaen mi aldus ghebieden te spreken tegen | mijn opset Ende vertellede hem al dat hi ghesien hadde Ende | als die abt dat hoorden viel hy hem te voeten Mer hy nam hem | haesteliken op. ende badt hem dat hy hem besluten woude in | [20] een cluse dat hi sijn opset houden mochte. |