Dialogus Creaturarum dat is Twispraec der creaturen
(2015)–Gheraert Leeu–
Auteursrechtelijk beschermd
[Folio n3r]
| |
 CAmeleopardus Ga naar voetnoot332 is een dier dat een hoeft heeft als een | cameel een hals als een paert voeten ende benen als een | buffel ende veel vlacken als dat dyer pardus heeft in | sijn lijfEnde is een beest mit witten blenckenden vlacken wtmu | [5] tende op sijn vel wijde ghestroeyt ende is meer veruaerlic van | ghesicht dan van natuerliker wreetheyt ende is also goederhan | de recht oft een lam waer als plinius bescrijft Dese camaleo- | pardus was een groot maelre ofte schilder gheworden. ende | maecten altoes dat beelt cristi in leliker ghedaente ende formen | [10] willende hem seluen an god wrekenAlsoe dattie menschen god | beghonden te versmaden om dat hi lelic van ghedaenten was | ende seyden hoe soude ons dese moghen helpen die hem seluen | niet helpen en kan dat hi soe lelic niet en si Hier nae gheschie- | det dat cameleopardus dese schilder dat beest cristi soude ma | [15] ken als hi konde: ¶ Waer om cristus god onse heer toornich | wort ende openbaerde hem ende seyde Wat is die saeck dat- | tu my aldus lelick makeste ende ick nochtant dye scoonste ben | bouen allen kinderen der menschen. ende dat in my begheren | die enghelen te scouwen Ende du verminders mine eer. ende | [20] wilste my mijnre scoenheyt berouen: Cameleopardus an- | twoorden En meendi oeck dattet wi niet en dencket dattu mi | alsulken mismaecten leliken beest ghemaect hebste ende mi niet | schoon en woudeste maken Nu wil ic mi an di wreken ende en sal | | |
[Folio n3v]
| |
di oeck voort meer niet sparen Doe wort cristus seer toornich | ende want hy hem lelick woude maken werp hy hem van bo- | uen neder ende brack hem den hals ende seyde Qualiken Ga naar voetnoot333 | heeft hi wreaek ghedaen. die daer om den doot moet ontfaen | [5] ¶ Des ghelijck sijn veel menschen alsoe hart ende wreet dat si | nymmermeer vergheuen en willen dat hem misdaen is: mer | dat altoes willen wreken Hier of seyt die wise man Soe wie | wraeck hebben wil die sal van gode wraeck an hem seluen vin | den. Seneca Dat onrecht sellen wi vergheten. want teghen | [10] dat onrecht gheschiet isset een medicijn ende baet datment ver | gheten wil Die oude heren ende princen waren altoes goeder | tieren int gheuen den onwaerdighen ghenade ende horen vy- | anden te vergheuen: Aldus vertelt valerius van camillus den | raetheer van romen die op een tijt een stat beleghen hadde mit | [15] groter macht Dat doe aldaer die scoel meester vanden kinderen | alle die edele kinderen mit valscheyt brocht in dat heer der ro | meynen die die stat beleghen hadden. om welker kinder van- | ghenisse hem dat volck vander stat gharen ouer souden heb- | ben ghegheuen in des keysers handen. Ende doe dit camillus | [20] sach was hi toornich van die ontrouwe des meesters ende liet | die kinderen vrij ende los ende gheboet den kinderen dat si den | meester handen ende voeten souden binden. ende castien hem | wel ende bet mit roeden ende brenghen hem alsoe tot horen ou | ders Ende mit desen werck der goedertierenheyt worden die | [25] herten der gheenre die beleghen waren verwonnen ende dee- | den hoer poorten open ende lieten die romeynen in. | |
|