Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Dye hystorien ende fabulen van Esopus (2013)

Informatie terzijde

Titelpagina van Dye hystorien ende fabulen van Esopus
Afbeelding van Dye hystorien ende fabulen van EsopusToon afbeelding van titelpagina van Dye hystorien ende fabulen van Esopus

  • Verantwoording
  • Inhoudsopgave

Downloads

PDF van tekst (23.04 MB)

ebook (27.60 MB)

XML (0.82 MB)

tekstbestand






Editeur

Hans Rijns



Genre

proza

Subgenre

fabel


© zie Auteursrecht en gebruiksvoorwaarden.

Dye hystorien ende fabulen van Esopus

(2013)–Gheraert Leeu–rechtenstatus Auteursrechtelijk beschermd

Vorige Volgende
[Folio b1v]
[fol. b1v]

§ Die seuende hystorie vertelt hoe dat esopus van xanctus in eenen boemgaert ghe | leydt wert |



illustratie

ENde daer na seyde xanctus tot esopus Neemt eenen corf ende gaet na my Ende hij | leyde esopus in eenen boemgaert Ende xanctus seyde toten hoefmeester Ghe- | [5] uet ons van uwe cruyden ende die hoefmeester maeyde af een deyl cruyden ende | gafse esopus die welck hij ontfinck Ende xanctus betaelde hem Ende als xanctus | wilde gaen zoe sprack die hoefmeester tot xanctus Mijn lieue meester ic bidde v dat | ghij een weynich hier vertoeuen wilt Ende wel seyde xanctus vraghet tghene dat v belie | uet Ende die hoefmeester vraechde hem. Meester waeromme eest dat die cruyden | [10] die niet en sijn bearbeyt vele eer wassen dan die ghene die met alre nernsticheyt be | arbeyt sijn Ende op dese vraghe sprac xanctus Dit coemt ouermits eenegherande voer- | sichticheyt mits die welcke alle dinghen voertcomende sijn. Ende als esopus dese ant | woerde was hoorende begonste hij seer te lachenne alzo dat sijn meester xanctus hem | toe sprack segghende Ghij boeue lacht ghij om my oft sijt ghij mij bespottende. | [15] Ende esopus seyde hem Ick en ghecke met v niet mer mitten ghenen die v phi- | losophie gheleert heeft. wat solucye hebt ghij ghedaen dat dese dinghen bij co- | men ouermits die godlijcke voersichticheyt. want een kueken knecht soude wel | aldusdanighe antwoirde ende solucye ghegheuen hebben. Ende xanctus seyde tot Eso- | pus Segt ghij dan hier af die solucye Ende esopus antwoirde hem. Eest sake dat ghij | [20] my dat beueelt zoe wil ickt gheerne doen ende wel Ende doe sprack xanctus totten hoef | meester Ten is niet behoorlijcken dat die ghene die te oirdeelen ende te onderschey- | den saken die swaer ende lastich sijn snode dinghen ofte vraghen oirdeelen ende onder | scheiden soude. mer ic heb eenen dienre diet v wel onderwijsen sal ende daer af solucie ghe | uen. ist sake dat ghijt hem bidt. den welcken die hoefmeester antwoirde. Soude |

[Folio b2r]
[fol. b2r]

alsulcken groeuaert ende boef dus seer mysmaecte wesende van mijnder vraghen ant- | woerde gheuen Doe seide die hoefmeester tot esopus Ghij sijn gheselle hebdi ken | nesse van aldusdaneghe dinghen. Ende esopus seide Ia ic trouwen meer dan alle die | menschen vander werelt. want ghij vraecht waeromme dat die cruden die niet ghesaeyt | [5] noch bearbeyt en sijn veel eer wassen dan dieghene die met naernsticheyt ghesayt | ende bearbeyt sijn Hoort sprack esopus ende verstaet myne solucye ende antwoirde. want | ghelijckerwijs als een vrouwe weduwe een kint van haren iersten man die doot is | heeft ghehadt ende daer na wederomme eenen anderen man neemt. die welcke bij ee- | nen anderen wyue oick kinderen ghecreghen heeft. van die ierste kinderen haers ghe | [10] storuen mans sij een moeder is ende van die andere een styefmoeder Ende alzoe ysser | onderscheyt van haer eyghen kinderen ende van die kinderen van die ander moeder want | die yerste sij seluer op gheuoedet heeft ende die andere sij dicwijle hatende is Ende | in aldusdanigher manyeren eest oick mede vande aerden want sij is een moeder van | den cruyden die sonder bearbeydinghe sijn. Ende van die cruyden die daer wassen ouer- | [15] mits dat sij bearbeyt sijn is sij een stiefmoeder Doe antwoirdede hem die hoefmees | ter Ghij hebt my ouermits uwe solucye ghelost van eenre grooter pynen. daerom | me so bidde ick v dat ghij nemet van die cruyden wt mynen boemgaert alzoe dic | ke ende also vele alstu wilste Ende daer nae op eenen anderen dach als xanctus hem baden | wilde met sijnen studenten. seyde hij tot esopus Gaet thuys ende coect ons een greyn | [20] van eenre lentille. Ende esopus ghinck thuyswaertGa naar voetnoot122 clymmende op eenen corensolder | ende nam eenen lentille ende stacse in eenen pot om dat sij ghenoech sieden soude Ende | als xanctus ghewasschen was sprack hij tot sijnen ghesellen aldus. Coemt ende | neemt v myddachmael met my want ick sal v teten gheuen van eenre lentille. want | tusschen vrienden en eest van gheenen noode dat men hebbe groote ouervloedich | [25] eyt van spisen mer die goede wille is ghenoech. Ende als sij in xanctus huys gheco | men waren. zoe seyde xanctus tot esopus. brengt ons wat wt den bade Ende terstont zoe | nam esopus den emmer ende stacken in die cuppe daer sij in ghebayt hadden ende vulden | metten water vanden bade ende gaeft sijnen heer Ende xanctus gheuoelde den stanck | van twater ende seyde tot esopus Hoe boeue en gheuoelt ghij niet den stanck Sidy | [30] bescheten oft wat let v. Neemt dit wech ende brengt ons dbecken. Ende esopus brocht | terstont alleen dat becken Ende xanctus seyde hem Nu sie ick wel dat ghij sijt een | kint ende niet wetende Ende esopus antwoirde hem Meester ghij hebt mij eens beuolen voir | al dat ick niet anders doen en soude dan ghij my soudet beuelen. want ghij my niet | en seydet doet water int becken. ende wasschet ons onse voeten. oft maect ons tbed | [35] de. mer ghij seydet mij alleen. brengt ons tbecken. ende dat hebbic v ghebracht. Doe | seyde xanctus tot sijnen studenten. Ick en hebbe niet ghecocht eenen dienre als ghij | wel siet mer mijnen heere ende meester. Ende daer na als sij gheseten waren ter | tafelen seyde xanctus tot esopus. Eest dat die lentille ghenoech is zoe brengtse | ons hier Ende want esopus inden pot omme te coken niet dan een grayn ghe- | [40] daen hadde zoe heeft hij dat selue grayn ghetoghen wt den pot ende sijnen mees |

[Folio b2v]
[fol. b2v]

ter toe ghebracht. segghende. besiet oft zij ghenoegh ghesoden is. Ende xanctus | tastedese metten vingher ende seyde Iase sij is ghenoech. sprekende voert. brengt | ons hier die lentillen Ende esopus bracht hem vander lentillen dat sap. want- | ter anders gheen en was Ende xanctus seyde hem. Waer sijn die lentillen. Ende | [5] esopus antwoirdede. Ick hebse v terstont ghelanghet Iae sprack xanctus een | grayn vander lentillen. Ende esopus seyde. Ghij segt waer want ghij beuaelt | my dat ick te vyer doen doudeGa naar voetnoot123 een grayn van eender lentillen opt minste ende niet | opt meeste alzo hebbe ick ghedaen. Doe twyuelde xanctus in hem seluen ende | seyde Dese boeue sal my rasende maken Daer nae zoe keerde hem xanctus we | [10] deromme tot esopus ende seide. Op dattet niet en schijnt dat ick mijn vrienden | beghecke. zoe gaet terstont ende coopt ons vier verckens voeten ende bereydt | se ons wel op dat wij goet chiere daer mede moghen maken Ende esopus ghinc | terstont ende cochtse ende dedese te vyere. |

voetnoot122
Er staat tussen thuyswaert en clymmende een halve verticale streep: |.
voetnoot123
doude lees: soude

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken