Dye hystorien ende fabulen van Esopus

§ (2) Die andere fabule is vanden wolf ende vanden lamme die ons leert dat | die quade ende die ghiereghe verslijnders altijt vinden een sake waer bi sij die onnosel be | scatten ende belasten. waer af dat esopus vertelt aldusdaneghe fabule |

[fol. e3r]

OP eenre tijt als dat lam ende die wolf te samen dorst hadden ghinghen sij | te samen drincken wt eender ryuyere Soe ghebuerdet dat die wolf dranc | van bouen den stroom oft lope van dat water Ende dat lam van beneden. Ende als die | wolf dat lam wert ghewaer. zoe begonste hijt met luyder stemmen qualijc toe te | [5] spreken segghende aldus O ghij boeue waeromme hebt ghij my twater vuyl ghe | maect dat ick drincken soude Helas mijn lieue heerscap sprac tonnosel lam behou | delijcken uwer gracyen wanttet water comt van v tot my Ende die wolf sprac tot hem. | Scaemt ghij v niet my te vloecken ende te vermaledyden. Ende tlam antwoirdede hem | Mijn lieue heer behoudelijcke uwer goeder gracyen Ende die wolf seyde Ten is | [10] niet gheleden sesse maenden dat uwe vader mij oick dede diesghelijcx Ende tlam ant- | woirdede Doe en was ick noch niet gheboren. Ende die wolf sprac tlam noch daer | bouen aen tot hem aldus segghende Du hebste ghegheten mijn gras Ende tlam seyde hoe | soude dat wesen want ick noch gheen tanden en hebbe. ende die wolf als al verstoort | ende toornich wesende seyde tot hem Du ghelijcste wel dijnen vader ende ouermits sijn | [15] mysdaet eest dat ghi steruen moet Ende met dien nam die wolf tlam ende attet. Dese | fabule bewijst ons dat dese quade ghyeren ende verslijnders altijt vinden een saeke. | waer bij sij die scamel luyden scatten ende eten moghen |