Dye hystorien ende fabulen van Esopus
(2013)–Gheraert Leeu–
Auteursrechtelijk beschermd§ (39) Die neghentiende fabule is vanden man ende van dat wezelkijn Die leert | [5] datmen sal rijpelijcken ouer mercken die moet ende twaeromme vanden ghenen | die goet doet ende sonderlinghe dat eynde waeromme hijt doende is. Waer af | dat Ezopus vertelt eene aldusdanighe fabule. | HEt was een man die een wezelkijn gheuanghen hadde Dat welcke die rat- | ten wt sinen huyse iaghede Ende als hijt gheuanghen hadde soe hadde | [10] hi inden sinne dat hijt doden woude Twelck als twezelken den toorn van sinen | meester vernam so badt hem ghenade segghende aldus Mijn lieve heer ende | meester Ic bidde v dat ghij mij vergheuen wilt Ende dat ghi mi wilt loonen van | den goeden dienste dic ic v dicwijlen hebbe ghedaen Want ic altijt die ratten wt | dijnen huyse ghekeert ende veriaghet hebbe Dit hoorende die man seyde haer | [15] Ghij en hebt dit niet ghedaen om die minne van my Mer op dat ghij uwen buyc | daer mede vollen soudet Want waert dat sake dat ghijt hadt ghedaen om die | minne van my ic soudt v gheerne vergheuen Ende daer om soe en deedstu dit | niet om mij lief daer aen te doen ende te dyenen. Mer om mij te bescadighen. | want dat ghene dat die ratten niet eten en moghen dat droechdi wech ende atet | [20] Ende daer om want ghij vet van mijnen broode gheworden sijt soe moet ghij | betalen ende wederom gheuen die vetticheyt die ghi vercreghen hebt. want die ghene | die steelt ende rooft sal ontstolen ende berouet werden Iuxta ill[ud pillat]oresGa naar voetnoot179pillabuntur | | |
[Folio B4v]
| |
Want ten is niet alleen ghenoech datmen goet doet mer men moet oec hebben | goede meyninghe waer om datmen dat goet doende is. want aelmoessen te ghe | uen ouermits ydel glorie en is gheen verdienste mer meer onuerdienste waer | om dat ick dy niet vergheuen en sal mer ghi sult ter stont steruen Om der saken | [5] wille. want du gheen danck verdient en hebste. | |
|