Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Dye hystorien ende fabulen van Esopus (2013)

Informatie terzijde

Titelpagina van Dye hystorien ende fabulen van Esopus
Afbeelding van Dye hystorien ende fabulen van EsopusToon afbeelding van titelpagina van Dye hystorien ende fabulen van Esopus

  • Verantwoording
  • Inhoudsopgave

Downloads

PDF van tekst (23.04 MB)

ebook (27.60 MB)

XML (0.82 MB)

tekstbestand






Editeur

Hans Rijns



Genre

proza

Subgenre

fabel


© zie Auteursrecht en gebruiksvoorwaarden.

Dye hystorien ende fabulen van Esopus

(2013)–Gheraert Leeu–rechtenstatus Auteursrechtelijk beschermd

Vorige Volgende

§ (43) Die derde fabule is vanden Ezel ende vanden paerde. ende van harer beyder auenture. | Wanttet alsoe is inder waerheyt dat die ghene die zeer geluckich is ende sittet opt | ouerste rat vander fortuynen oft auentueren. somwijlen zeer lichtelijc neder dalen | [20] mach. Soe en sal nyemant versmaden die arme noch misprijsen mer sal ouer- | dencken dat dat rat vander auentueren zeer wandelbaer ende twiuelachtich is | Waer af dat Ezopus vertelt eene aldusdanighe fabule |

[Folio B6v]
[fol. B6v]


illustratie

HEt was een paert dat zeer scone was ende wel verciert. sinen breydel ende sinen | sadel met fijnen goude beslaghen Welcke paert eens op een tijt ghemoe- | tede enen Ezel op enen wech die zeer enghe ende nauwe was Ende want die Ezel | gheladen was soe dat hi te dien stonden dat paert niet wijcken en mochte Soe | [5] sprack dat paert totten Ezel aldus Ha du grouaert ende vuyle boer En hebdi noch | scaemte noch scande dat ghi uwen heer ende meester gheen meerder reuerencye | ende eere en bewijst. wie mach my houden dat ic met minen voeten dy dine herssen | niet in stucken en slae om dat ghi my den wech niet gheruymt en hebt op dat ic | so veel te bat voer by gaen mochte Ende die arm Ezel dit horende en sprack een | [10] woordt niet ende hadde grooten anxt ende vreese gheslaghen te werden ende sweech | al stille ende doende als die wijse Ende dat paert ghinck sijnre vaerden Daer na so | ghebuerdet dat fortune ende auentuere hem omme keerde ende dattet voerghenoem | de paert zeer magher ende ongheuallich wert Ende als die meester sach dat dit fijn | paert achterwaert ghinc ende begonste niet meer te doghen So beual hij datment | [15] soude leyden buyten der stede int dorp Ende datmen hem in die stede vanden gulden | sadel opten rugghe een bast binden soude om dattet also dat mes te velde brin- | ghen mochte Dit aldus sijnde ghedaen ghebuerdet dat dese selue Ezel was wey | dende in eenen Camp lants Ende siende dit voerghenoemde paert soe bekende | hijt Hem te mael zeer verwonderende hoe ende in wat manyeren het aldus on- | [20] gheuallich ende magher gheworden was. Ende die Ezel quam tot hem segghende | aldus HanGa naar voetnoot184fijn gheselle. waer is nv dijne scone vergulden breydel ende dinen ouer- | sconen Sadel met sijde ende flouweel becleet. hoe macht wesen dat ghi aldus ma | gher ende ongheuallich gheworden sijt. wat hebben dy nv ghebaet dijne schone | ornamenten ende vercyeringhe Oft wat heeft dy gheprofiteert dijne moedicheyt |

[Folio C1r]
[fol. C1r]

dijne houerdye ende dijne groote vermetelheyt die du my bewesen hebste Denc | ket nv dat ghij ende ic op dese tijt van eenre officyen ende ambacht sijn Dit ho | rende dat ongheuallighe paert wert heel verslaghen ende mistroost Ende o- | uermits groote scaemte sijn hooft neder ghehouden heeft. want alle ghelueki | [5] gheGa naar voetnoot185 salicheyt met hem in grooter kettinicheyt ende wederspoet ghecomen was | Ende hier om alle die ghene die in voerspoet haer leuen leydende sijn en sullen | niet versmaden noch mysprijsen die daer sijn in teghenspoet. Want men heeft | dicwijlen ghesien rijcke luyde die nv arme sijn |

voetnoot184
Han lees: Ha.
voetnoot185
ghelueki | ghe lees: ghelucki | ghe.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken