Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Dye hystorien ende fabulen van Esopus (2013)

Informatie terzijde

Titelpagina van Dye hystorien ende fabulen van Esopus
Afbeelding van Dye hystorien ende fabulen van EsopusToon afbeelding van titelpagina van Dye hystorien ende fabulen van Esopus

  • Verantwoording
  • Inhoudsopgave

Downloads

PDF van tekst (23.04 MB)

ebook (27.60 MB)

XML (0.82 MB)

tekstbestand






Editeur

Hans Rijns



Genre

proza

Subgenre

fabel


© zie Auteursrecht en gebruiksvoorwaarden.

Dye hystorien ende fabulen van Esopus

(2013)–Gheraert Leeu–rechtenstatus Auteursrechtelijk beschermd

Vorige Volgende

§ (53) Die derthiende fabule die welcke is vanden woluen ende vanden | Scapen die ons bewijst Alsmen heeft eenen goeden beschermer | [15] een goet hooftman oft eenen goeden patroon die en salmen niet | ouergheuen. want die ghene die den seluen ouergheeft dicwijlen | ghebuertet dattet hem berouwet ende quaet gheschiet. Waer af dat | Ezopus vertelt eene aldusdanighe fabule |

[Folio C5v]
[fol. C5v]


illustratie

DIe scapen hadden teghens die woluen groten twyst onminne ende oerloghe | Ende want die woluen die scapen te machtich waren soe deden si hem groote | iammerlijcke scade. alsoe dat die scapen namen tot haer die honden op datse van | hare parthien souden sijn Ende die woluen te bat moghen wederstaen Ende daer | [5] teghens te oorloghen Ende alsoe wart die parthie vanden scapen soe sterck dat | die woluen teghens die scapen gheen wederstaen noch macht en hadden Dit | siende die woluen dat die machte van hare weder parthie aldus groot ende crach | tich was So seynden si eene Ambassade totten scapen om dat si pays ende vrede | met malcanderen souden maken Die welcke ambassade seyde totten scapen al | [10] dus Ist sake dat ghij ons die honden leueren ende gheuen wilt Soe willen wij v | zweeren dat wij nemmermeer teghens v strijden noch bescadighen en sullen Ende | die scapen antwoerden hem. in dien dat ghi ons uwe ionghe woluen leueren ende ge | uen wilt. so sijn wi des te vreden Ende aldus in deser manieren soe maecten si vrede | ende dat oorloghe wert ghesoent. als die honden gheleuert waren so doden si die hon | [15] den die patroonen ende beschermers waren vanden scapen Ende die scapen en deden | niet anders dan datse die woluen een weynich quetsende waren Waerom waest | dat doe die woluen begonsten te wassen ende groot te werden soe vergaderderden si hem | van alre weghe Ende met eenre ghemeynre versamentheyt soe spracken si tot haren | voervaderen aldus Wij moeten ende willen eten die scapen Ende haer voervaderen | [20] antwoerden hen. wij hebben in voerleden tyden pays ende vrede met hem ghemaect Dit | contract niet teghenstaende die woluen braken den vrede Ende liepen op die sca- | pen ende verslijndense. Dat welcke alle haer nacomelinghen daghelijcx noch | doende sijn Ende want die Scapen die honden die hare Capeteynen ende be | waerers waren den woluen gheleuert hadden Soe en hadden si nyemant diese |

[Folio C6r]
[fol. C6r]

beschermeden Ende alsoe werden si vanden woluen gheghete nGa naar voetnoot188 Ende daerom ist | zeer goet enen goeden patroon ende beschermer te hebben die inden noot mach hel | pen ende bystandicheyt doen ende die in gheenre manieren ouer gheuen. want een ghe | trouwe vrient is dicwijle inder noot beter ende profijtelijcker dan een Coninckrijcke | [5] want hadt dat sake gheweest dat die scapen die vrienscap vanden honden gh e- | houdenGa naar voetnoot189 hadden. nemmermeer en hadden si vanden woluen ghegheten gheworden. | waer om dattet is een zeker dinck te hebben ende te houden eenen goeden vrient. | Waer af datmen ghemeenliken seyt. vrient ter doot. vrient ter noot. ende vrient | achter rugghe. dat is sekerlijcken een vaste brugghe |

voetnoot188
gheghete n lees: ghegheten.
voetnoot189
gh e- | houden lees: ghe- | houden.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken