Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Dye hystorien ende fabulen van Esopus (2013)

Informatie terzijde

Titelpagina van Dye hystorien ende fabulen van Esopus
Afbeelding van Dye hystorien ende fabulen van EsopusToon afbeelding van titelpagina van Dye hystorien ende fabulen van Esopus

  • Verantwoording
  • Inhoudsopgave

Downloads

PDF van tekst (23.04 MB)

ebook (27.60 MB)

XML (0.82 MB)

tekstbestand






Editeur

Hans Rijns



Genre

proza

Subgenre

fabel


© zie Auteursrecht en gebruiksvoorwaarden.

Dye hystorien ende fabulen van Esopus

(2013)–Gheraert Leeu–rechtenstatus Auteursrechtelijk beschermd

Vorige Volgende

§ Hier eyndet dat vierde boeck vandie subtijle fabulen van Ezopus Ende hoe wel | datter niet meer en sijn gheuonden gheregistreert Niet te min men heefter ve | le meer gheuonden van hem ghemaect sijnde die welcke hier na volghen |

§ (81) Die eerste fabule is vanden muyle vanden vos reynaerdt ende vanden wolue. | [20] Men heyt die sommighe ezels ende simpele menschen te sijn die nochtans zeer | subtijl ende abel sijn Ende die sommighe waent dat hy een goet clerck is die nochtans | niet dan een ezel esGa naar voetnoot208 is. ghelijck alst blijct by deser fabulen |



illustratie

[Folio F1r]
[fol. F1r]

HEt was een muyl die by eenre wildernisse die Cruyden vanden velde eten- | de was Tot den welcken quam reynaerdt die vos hem vragende aldus. | wie bistu Ende die muyle sprack tot hem in deser manieren. ic ben een beeste Ende die | vos seyde hem. ic en vraghe di dat niet Mer ic vraghe v wie dijn vader is gheweest | [5] Ende die muyle seyde hem Mijn groote vader heeft gheweest een paerdt Ende die | vos sprack tot hem. ic en vraghe dy dat oec niet Mer segt my anders niet dan hoe | dinen name is Ende die muyle sprack tot hem. ic en weet dat niet aenghesien dat ick | zeere ionc was doe mijn vader sterf Niet te min op dat mine naem niet verge | ten en soude werden soe heeften mijn vader achter onder mijnen slijnckeren | [10] voet laten scriuen. waer om in dien ghij minen naem weten wilt soe besie den voer | screuen voet ende alsoe soe moechstu dat weten Ende als die vos reynaerdt verstont | dese scalcheyt vander muylen Soe ghinck hi in die wildernisse ende ghemoetede | den wolf. den welcken hi toe sprack segghende aldus Ha du onsalighe beeste wat | doetstu hier Com aen met my ende ic sal dy in dinen handen leueren eenen grooten | [15] ende goeden roof Siet ghinder in gheen velt ende daer sulstu vinden ene vette beeste | waer af dat ghy v wel versaden moecht Dit hoorende die wolf quam int velt vin | dende aldaer den muyle gras ende ander cruydt etende Ende vraghede hem aldus. | wye bistu Ende die muyle seyde tot hem. ic ben eene beeste Ende die wolf sprack tot hem | Dit en vraghe ic v niet Mer segt my hoe dat dinen naem is Ende die muyle sprac | [20] ic en weets niet Mer niet te min in dien ghijt weten wilt so salstu dat achter onder | mijnen slinckeren voet in ghescrifte vinden Ende doe seyde die wolf Ic bidde dy | dat ghijt mi wijsen wilt Ende die muyle reckede wt sinen voet Ende alse die wolf des | muyls voet besach ende daer inne studeerde Soe gaf hem die muyle alsoe grooten | slach metten voete aen sijn voerhooft dat hem die herssen brack ontwee Ende die

[25] vos reynaerdt die daer omtrent was scuylende onder een bossekijn begonste | zeer luyde daer om te lachen ende metten wolf te spotten tot hem segghende aldus | O du sotte beeste du weetste wel dattu niet lesen en conste Ende daer om al is di quaet | gheschiet du bistes wel waerdich Ende het is dijn eyghen scult. want nyemant en | sal hem onderwijnden van dat ghene dat hij niet doen en can. Ende daer om soe | [30] selen wij ons wachten ons te onderwijnden van tghene daer wij niet af en weten | op dat wij niet bedroghen en werden ghelijc die wolf als voerscreuen staet Ende | aldus waest dat die wolf hem seluen wijs wilde maken ende bedroghen werdt Ende die | muyle hem seluen sot makende bedrooch den anderen. waer by men seyt dicwijl | Al sietmen die luyden men kentse niet |

voetnoot208
es lees: en.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken