Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Dye hystorien ende fabulen van Esopus (2013)

Informatie terzijde

Titelpagina van Dye hystorien ende fabulen van Esopus
Afbeelding van Dye hystorien ende fabulen van EsopusToon afbeelding van titelpagina van Dye hystorien ende fabulen van Esopus

  • Verantwoording
  • Inhoudsopgave

Downloads

PDF van tekst (23.04 MB)

ebook (27.60 MB)

XML (0.82 MB)

tekstbestand






Editeur

Hans Rijns



Genre

proza

Subgenre

fabel


© zie Auteursrecht en gebruiksvoorwaarden.

Dye hystorien ende fabulen van Esopus

(2013)–Gheraert Leeu–rechtenstatus Auteursrechtelijk beschermd

Vorige Volgende

[10] § (93) Die derthiende fabule die welcke is vanden vader ende van sinen dryen sonen die be | wijst Dat hi niet wijs en is die twyst ende kyuinghe voert brengt om ydel glorie wille. |



illustratie

HEt was een man die drye sonen hadde Ende als hi steruen soude so gaf hi hem in die | vre sijns doots sijn goet ende erffenisse Te weten enen peerboom. eenen bock ende | eene molen Ende als die vader doot ende gestoruen was So quamen dese drye gebroerders | [15] mit malcanderen voer den rechter om dat si hare erffenisse deylen souden Ende seyden | tegen den rechter aldus Mijn lieue heer rechter Onse vader is doot ende ghestoruen Ende | heeft ons sine erffenisse gelaten geuende den enen also veel als den anderen Ende | die rechter vragede hem. Wat erffenisse ist Ende si antwoerden hem Eenen peerboom | eenen bock. ende eene molen Dit hoorende die rechter seyde tot hem Dat wij ghe | [20] lijcke deelen souden moghen maken alsoe dat die een niet meer hebben en sou- | de dan die ander Dat is een dinck dat zeer zwaerlijcken te doen waer Mer na uwen | goetduncken. hoe soudt ghijse willen deylen Doe begonste te spreken die outste | broeder segghende aldus Ick sal vanden peerboom nemen al dat recht ende crom is |

[Folio G6v]
[fol. G6v]

Ende die anderde seyde Ic sal daer af nemen alle tgheent dat groen ende drooch is | Ende die derde seyde Ic sal nemen vanden peerboom die wortelen ende alle | die telgheren Ende die rechter sprack tot hem Oerdelt nv onder v drien wie van | v luyden dat meest hebben sal Want ick noch nyemant anders en kan dit ver- | [5] staen wye van v luyden dat meeste oft dat minste heeft. Ende daer om die ghene | die van v dryen wil segghen wye dat meeste deel heeft die sal heer ende meester | wesen vanden peerboom Ende daer nae soe vraechde hen die rechter. uwe vader hoe | ende in wat manyeren heeft hij v den bock beset Ende si seyden hem Die ghene die van | ons dryen alre best wenschen kan die sal den bock sijn wesen Ende doe dede die out | [10] ste broeder sijn wensche ende sprac aldus Gaue god dat die bock nv op dese tijt also | groot waer dat hi drincken mochte alle twater dat onder den hemel is Ende als hi dit | al gedroncken hadde Dat hi dan op die helfte na noch niet sat en waer Ende die an | derde sprac Ic meyne dat die bock mijn wesen sal. want ic sal veel scoenre wen- | sche segghen dan ghi Want ic wilde wel dat alle die kenp alle dat vlass ende alle die | [15] wolle vander werelt te samen gesponnen waer Ende dat dan die bock so groot waer | datmen sijn een been mit alle dit garen niet en soude moghen bijnden Ende die der | de broeder seyde Die bock sal mijn sijn Want ic wilde wel dat die bock soe groot | waer ende alsulcken plecke besloeghe als een aern sijnde op thoochste vanden he | mel soude moghen ouer sien in die hoochte in die lengde ende in die breyde Ende | [20] die rechter seyde tot hem Wie dan van v dryen heeft ghedaen die scoenste wensche | Voerwaer gheseyt Ic noch nyemant anders en soudet te rechte moghen segghen | Ende daer om soe sal die bock sijn des ghenen die van v dryen die gherechte waer- | heyt segghen sal Ende die moolen. hoe heeft v uwe vader die beset om die te deylen | Ende si seyden hem Den ghenen die van ons sal wesen die meeste loghenaer. die traech | [25] ste. ende die luesichste Ende doe sprack die outste broeder segghende aldus Ic ben | die luesichste Want ic hebbe langhe ghewoent in een groot huys Ende ben noch op | die gote vanden huys daer mij die reghen die oghen wtstack ende dede verrotten mijn | lichaem vanden slijcke Ende hadde veel lieuer daer te bliuen ouermits mine luesicheyt | dan dat ic mi van daer ghekeert hadde ende opghestaen Ende die anderde seyde al- | [30] dus Ic wane dat die molen mijn wesen sal Want al waert sake dat ic gheuastet | hadde thien iaer Ende ic quame aen een tafel gheladen wesende vol van costelijcker | spijsen. soe bin ic so luesich dat ic niet eten en soude moghen. ten waer datment | mi mit crachte inden mont soude moeten steken De derde seyde die molen sal mijn | wesen. want ic bin noch veel meerder logenaer ende lueyaert. Want al hadde ic dorst | [35] ghehadt totter doot toe Ende ic mi vonde in midden vanden water totten hals toe. | soe woude ic veel lieuer steruen van dorste dan mijn hooft neder neyghen om enen | dropel te drincken Ende die rechter sprack tot hem Ghij en weet niet wat ghij segt. | want noch ic noch andere en souden v moghen verstaen Mer ic beueel die sake v dryen | Ende aldus ghinghen si van daen sonder te hebben sentencye. want van sotte vraghe | [40] hoert sotte sentencye Ende daer om so sijn si dwaes die ouermits ydelheyt ofte lich |

[Folio H1r]
[fol. H1r]

ticheyt pleyten willen. want wt dien isser menich gheuallen in groten verlies ende scade | Want van cleyne ghedinghe comen dicwijl grote lasten ende scaden ende bringhen | menighen man in sijn eeuwighe verderfenisse. |


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken