Dye hystorien ende fabulen van Esopus
(2013)–Gheraert Leeu–
Auteursrechtelijk beschermd
[Folio H2r]
| |
§ (95) Die vijftienste fabule die welcke is vanden hont vanden wolf ende vanden scape | die ons bewijst Dattet is eene alte grote dwaesheyt. dat yemande die noch crach | te noch machte en heeft te willen begecken eenen die stercker ende machtigher | is dan hi Ghelijc als ons bewijst dese fabule | [5] HEt was een vader des huysghesins die welcke hadde ene groote menich | te van scapen Ende hadde eenen grooten hont zeer starck ende machtich diese | bewaerde. daer die woluen zeer af waren veruaert als si hem hoerden bassen of alleen | saghen. Waer om dat die herderen sonder sorghe ende vreese vanden seluen woluen | te bat slapen mochten Soe ghebeurdet dat dese hont ouermits ouderdomme | [10] sterf. waer af dat die herdere seer tonvreden ende rouwich waren Ende seyden teghens | malcanderen Wij en sullen nv voert aen mit vreden niet moghen slapen om dat onse | hont doot ende ghestoruen es. want die woluen sulleuGa naar voetnoot215 comen ende eten onse scapen Ende | als si onderlinge dit aldus seyden soe wasser een groot scaep fier ende houaerdich die | dese voerscreuen woerden hoerde Ende quam tot hem lieden ende seyde aldus Ick sal v | [15] gheuen goeden raedt Scheert mi die wolle af ende vercleedt my mittet vel vanden hont | Ende als my die woluen sullen sien soe sullen si voer my veruaert wesen Ende als die | woluen quamen ende dat scaep saghen vercleet wesende mittet vel vanden hont soe | begonsten si te vlyen Dit aldus gheschiet sijnde soe ghebuerdet daer na datter | quam een wolf die zeer verhonghert was ende greep een lam ende lieper mede wech | [20] Ende dat scaep liep hem snellijcken na Ende die wolf waende dattet gheweest hadde | die hont ende bedreet hem dryewerf onder weghen van groter vreese ende veruaernisse lo | pende altijt voer Ende tscaep hem na so langhe dattet scaep passeren moste doer ene | haghedochte die seer doornich was ende scherp dwelcke hem dat vel vanden hont | | |
[Folio H2v]
| |
gheheelijcken af schorende was Ende also die wolf achterwaert sach vreesende | die doot ouermits dat hi meynde dattet hadde gheweest die hont soe begonste | hi te bekennen die bedriechlicheyt vanden scapeEndeGa naar voetnoot216 ter stont soe spranc hi tot hem | vraghende aldus Wie bistu Ende dat scaep antwoerdede hem Mijn lieue heerscap | [5] ic bin een scaep ende ic spele mit dy Ende die wolf seyde Ha meester Soudi uwen | meester ende heer alsoe beghecken. du hebste mij doen dryten drieweruen onder mij | van groter vreesen Ende mettien soe leydede hem die wolf totter plecken daer hy | dryewerf onder hem ghedreten hadde segghende aldus Siet hier duncket dy | dit spel wesen. ic en neems voer gheen spel. ic sal dy nu onderwijsen dattu dinen | [10] heer ende meester tot anderen tijden niet beghecken en suls Ende mettien so greep | hem die wolf ende worchdet. ende ten lesten soe adt hijt ende verslijndet Ende daer om | die ghene die wijs is sal wel voer hem sien hoe ende in wat manieren. ende oeck met | wyen hij spelen of ghecken sal Ende sonderlinghe niet mitten ghenen die wij- | ser stercker ende machtigher is dan hi. | |
|